საქართველოს იუსტიციის მინისტრმა თეა წულუკინმა განმარტა, თუ რატომ შეცვალა იმ  სსიპ-ის ბრენდი, რომლის თავმჯდომარის მოადგილე "ნაციონალური მოძრაობის" წევრი, გიორგი ვაშაძე იყო.
საუბარია სსიპ სამოქალაქო რეესტრის სააგენტოზე. წულუკიანის ინფორმაციით, აღნიშნული სსიპის ბრენდი, "გუგლიდან" მოპარული იყო.

ამასთან, თეა წულუკიანი მზადაა, გიორგი ვაშაძე იუსტიციის სისტემაში დაასაქმოს. წულუკიანი გიორგი ვაშაძეს იუსტიციის სახლში აღმოჩენილი ხარვეზების აღმოფხვრის მენეჯერად დანიშვნას სთავაზობს.

"მესმის, რომ ვაშაძისთვის დღესაც არის რომაული ქალღმერთი იუსტიცია მუზა და ვერ ივიწყებს იუსტიციას, მის სსიპს, მისი ყოფილი სსიპის ბრენდიც შევცალე იმიტომ, რომ  მათ ჰქონდათ "გუგლიდან" მოპარული ბრენდი, და უნდა შეცლილიყო, ჩემი სტილი არ არის, რომ დავგუგლო, ბრენდი მოვიპარო და გამოვაცხადო, რომ ეს არის დიდი პროგრესი. ბრენდი შეიცვალა, მე მზად ვარ მას გავუგზავნო ბრენდ პლატფორმის შესახებ ინფორმაცია და რაკი ის იუსტიციაზე რჩება მიბმული, დავასაქმო ჩემს სისტემაში და მივცე ასეთი საქმე-მის მიერ აშენებული ყველა ინფრასრუქტურა არის პრობლემური, მარტო თბილისის იუსტიციის სახლის სახურავიდან 15 ტონა სამშენებლო ნაგვისა და რკინის ჩამოტანა, დაჯდა 40 000 ლარი, 19 მაისს მე ამ მასალის, რკინების საზოგადოებისთვის ჩვენებას ვაპირებ, ვპატიჟებ მას მოვიდეს და შემიძლია დავასაქმო კიდეც-იუსტიციის სახლში აღმოჩენილი ხარვეზების აღმოფხვრის მენეჯერად დავნიშო, რადგან ეს არის პრობლემები. სამ ნახევარ მილიონზე მეტი მჭირდება მე ბიუჯეტიდან იმისათვის, რომ მის მიერ დატოვებული ხავეზები გავასწორო, რომ ერთი ქარი რომ დაუბერავს, სახურავი არ ჩამოიქცეს და არ მოკლას მოქალაქე. ეს პრობლემა გავიარეთ",-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა