2015-05-07 10:51:29, 394 ნახვა
პოლიტიკა
ორხევში ავტომობილი ხიდიდან გადავარდა
ორხევში წუხელ ავტომობილი ხიდიდან გადავარდა. შემთხვევას მსხვერპლი არ მოჰყოლია, თუმცა ავტომობილში მჯდომი სამი ადამიანი, მათ შორის, ფეხმძიმე ქალი დაშავდა.
სამივე მათგანი მკურნალობას ინგოროყვას კლინიკაში გადიან. დაშავებულების ჯანმრთელობის მდგომარეობა დამაკმაყოფილებელია.
როგორც "ექსპრესნიუსს" შინაგან საქმეთა სამინისტროში განუცხადეს, მომხდარ ფაქტთან დაკავშირებით, გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების, ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს და რამაც ჯანმრთელობის ნაკლებად მძიმე დაზიანება გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
