გაბრიელ სალოსის გამზირზე სპეცრაზმმა შტურმი დაიწყო

2017-11-22 13:30:03, 2722 ნახვა

სამართალი

ბერი გაბრიელ სალოსის გამზირზე კვლავ სროლის ხმა ისმის.

„ექსპრესნიუსის“ კორესპონდენტის ინფორმაციით, სპეციალური დანიშნულების რაზმმა, ტერორიზმთან კავშირში ეჭვმიტანილი პირების დასაკავებლად შტურმი დაიწყო.

ეჭვმიტანილები ერთ-ერთ კორპუსში არიან გამაგრებული და პერიოდულად სამართალდამცველების მიმართულებით ცეცხლს ხსნიან. ამასთან მათ რამდენჯერმე ფანჯრიდან ხელყუმბარა გადმოაგდეს.

რამდენიმე საათის წინ სპეცოპერაციის დროს დაშავდა ერთი სპეცრაზმელი, რომლის მდგომარეობაც კრიტიკულია. იგი ინგოროყვას კლინიკაში იმყოფება.

სპეცრაზმი პერიმეტრს სრულად აკონტროლებს. ადგილზე მობილიზებული არია საპატრულო და კრიმინალური პოლიციის წარმომადგენლები, ასევე სპეციალური დანიშნულების რაზმები და ჯავშანტექნიკა.

ტერიტორიაზე არსებული კორპუსებიდან მოსახლეობა სრულად ევაკუირებულია.

სპეცოპერაცია უკვე 17 საათზე მეტია მიმდინარეობს.