პარლამენტში გამოსვლისას, პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა მმართველობის რეფორმასა და მის მიმდინარეობაზე ისაუბრა.

მისი განცხადებით, მმართველობის რეფორმის მიზანია სახელმწიფო სერვისების მიწოდების „ერთი ფანჯრის პრინციპზე“ გადასვლა.

„ბიზნეს სახლის მშენებლობა არის უმნიშვნელოვანესი სტრატეგიული მიმართულება.  ეს არის ერთიანი ფიზიკური სივრცე, სადაც საწარმოებს საშუალება ექნებათ, ერთი ჭერის ქვეშ მიიღონ ყველა ტიპის მომსახურება. ეს, მეორე მხრივ, ნიშნავს ყველა სახელმწიფო ორგანიზაციის „Front Office“-ების გაერთიანებას, რაც იმავდროულად მნიშვნელოვნად ხარჯეფექტური გადაწყვეტილებაა“, - განაცხადა დიმიტრი ქუმსიშვილმა. 

პირველი ვიცე-პრემიერის განცხადებით, არანაკლებ მნიშვნელოვანია ერთიანი ვირტუალური სივრცის შექმნა, სადაც ბიზნესის წარმომადგენლებს სახელმწიფოსაგან სერვისების ელექტრონულად მიღების საშუალება ექნებათ. 

დიმიტრი ქუმსიშვილის განცხადებით, მმართველობის რეფორმის მეორე სტრატეგიული მიმართულება არის ე.წ. ინკლუზიური მმართველობა. ეს არის პროცესი, როდესაც მთავრობა ბიზნესთან და ფართო საზოგადოებასთან ერთად მსჯელობს და იღებს გადაწყვეტილებებს მნიშვნელოვან ეკონომიკურ საკითხებზე. 

„ამ მხრივ, ჩვენ შევქმენით რამდენიმე მნიშვნელოვანი პლატფორმა. აღსანიშნავია ინვესტორთა საბჭო, რომელიც არის კოლეგიალური ორგანო, სადაც ბიზნესის წარმომადგენლები, საერთაშორისო ორგანიზაციები და მთავრობა ერთად განიხილავენ და მსჯელობენ მნიშვნელოვან სისტემურ საკითხებზე. ყველა ეკონომიკური რეფორმა განხილული იქნა ინვესტორთა საბჭოზე. აღნიშნული რეფორმის მთავარი მიზანი სახელმწიფოს მიერ მიწოდებული სერვისების ხარისხისა და საჯარო სექტორის ეფექტურობის ზრდაა“, - განაცხადა პირველმა ვიცე-პრემიერმა. 

(NS)

ავტორი: ,

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა