კატალონიის ყოფილი მეთაური კარლეს პუჩდემონი ოფიციალური მადრიდისგან გენერალიტეტის დაკავებული წევრების გათავისუფლებას ითხოვს, - ამის შესახებ TV3 იუწყება.

პუჩდემონის თქმით, მას აღნიშნული მოთხოვნის ლეგიტიმური უფლება აქვს.

"როგორც კატალონიის მთავრობის ლეგიტიმური თავმჯდომარე, მთავრობის დაკავებული მინისტრების გათავისუფლებას მოვითხოვ“, - განაცხადა პუჩდემონმა.

მისივე შეფასებით, მინისტრების დაკავება "დემოკრატიაზე თავდასხმა და მომავალ საპარლამენტო არჩევნებზე განხორციელებული დარტყმაა".

ცნობისთვის, ესპანეთის ნაციონალურმა სასამართლო კოლეგიამ კატალონიის ყოფილი მთავრობის 8 წევრი, მათ შორის ექს მეთაურის კარლეს პუჩდემონის მოადგილე, ორიოლ ჟუნკერასი დააკავა. გარდა ამისა, ესპანეთის სასამართლომ კატალონიის ყოფილი მეთაურის კარლეს პუჩდემონის დაკავების ორდერიც გასცა. მასთან ერთად ორდერი კიდევ 4 პირზე გაიცა.

მანამდე, 27 ოქტომბერს, კატალონიის პარლამენტმა რეგიონის დამოუკიდებლობის შესახებ რეზოლუციას მხარი დაუჭირა. დამოუკიდებლობის რეზოლუციის საპასუხოდ რეგიონს ავტონომიის სტატუსი ჩამოართვა. კატალონიაში ჩატარებული კენჭისყრიდან ერთ საათში ესპანეთის სენატმა კონსტიტუციის 155-ე მუხლის ამოქმედა. ესპანეთის პრემიერ-მინისტრმა მარიანო რახოიმ კატალონიის მეთაური კარლეს პუჩდემონი თანამდებობიდან გაათავისუფლა და პარლამენტი დაითხოვა. გარდა ამისა, პრემიერმა კატალონიაში საპარლამენტო არჩევნები დანიშნა, რომელიც 21 დეკემბერს გაიმართება.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, 893 ადამიანი დაშავდა, მათ შორის სამართალდამცველებიც. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია