ესპანეთის პრემიერ-მინისტრი მარიანო რახოი, ქვეყნის პარლამენტს მოუწოდებს, კონსტიტუციის 155-ე მუხლი აამოქმედოს, რომელიც კატალონიისთვის ავტონომიის სტატუსის შეჩერებას ითვალისწინებს, - ამის შესახებ პრემიერმა პარლამენტში სიტყვით გამოსვლის დროს განაცხადა.

BBC-ის ინფორმაციით, რახოიმ აღნიშნა, რომ ქვეყნის სენატმა საგანგებო ზომები უნდა აამოქმედოს. მანვე განმარტა, რომ აღნიშნული ზომები კატალონიის ლიდერის კარლეს პუჩდემონის, ასევე პარლამენტის დათხოვნას და ვადამდელი არჩევნების დანიშვნას ითვალისწინებს.

რახოიმ კატალონია "ოჯახების დაყოფაში" და საზოგადოების აღრევაში დაადანაშაულა.

მედია საშუალების ინფორმაციით, როგორც კი 155-ე მუხლი ამოქმედდება, კატალონია ესპანეთის ხელისუფლების დაქვემდებარებაში გადავა. კერძოდ, კი ესპანეთს დაექვემდებარება კატალონიის ბიუჯეტი, პოლიცია და სახელმწიფო მედია.

„155-ე მუხლის ამოქმედება არ არის ის შემთხვევა, რომელიც რეგულარულად ხდება: ეს ხდება პირველად 1978 წლის შემდეგ. ჩვენ განსაკუთრებული გადაწყვეტილების წინაშე ვართ, რომელიც მივიღეთ იმიტომ, რომ შეიქმნა განსაკუთრებული და სერიოზული ვითარება“, - განაცხადა მარიანო რახოიმ.

მედიის ცნობით, სენატი პრემიერ-მინისტრის ინიციატივას მხარს დაუჭერს.

გარდა ამისა, შაბათს შესაძლოა პუჩდემონისა და მარიანო რახოის დებატები ჩატარდეს.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია