„როდესაც ვსაუბრობთ პოლიტიკურ არბიტრზე და ზეპოლიტიკურ ფიგურაზე, ეს იოლი არ არის, იმიტომ, რომ ნებისმიერ შემთხვევაში, როდესაც შენ ვინმეს ნებას არ იმეორებ, მეორე მხარე გაკრიტიკებს“, - ამის შესახებ საქართველოს პრეზიდენტმა გიორგი მარგველაშვილმა „მაესტროს“ ეთერში განაცხადა.

როგორც პრეზიდენტმა განმარტა, ოპოზიციასთან დიალოგის მაგიდის შექმნის გამო, მას ხელისუფლება აკრიტიკებდა, ხოლო როდესაც კონსტიტუციას მოაწერა ხელი, ოპოზიციამ გააკრიტიკა.

„პირველ შემთხვევაში, როცა ოპოზიციასთან დიალოგის მაგიდა შევქმენი, მაკრიტიკებდა ხელისუფლება, რომ როგორ ვესაუბრები ოპოზიციას, მეორე სერიაში, როდესაც მე ხელი მოვაწერე კონსტიტუციას, მაკრიტიკებდა ოპოზიცია. ასე რომ როდესაც ჩვენ ვსაუბრობთ პოლიტიკურ არბიტრზე და ზეპოლიტიკურ ფიგურაზე, ეს იოლი არ არის, ამ დროს ყველა გაკრიტიკებს. იმიტომ, რომ ნებისმიერ შემთხვევაში, როდესაც შენ ვინმეს ნებას არ იმეორებ, მეორე მხარე გაკრიტიკებს. ეს ისევეა, როგორც გარკვეულწილად მომრიგებლობა, მოსამართლეობა, როდესაც რაღაცას ისეთ აკეთებ, რომ რომელიმე მხარეს არ მოსწონს, ბუნებრივია აქ მოდის კრიტიკა. ასე რომ თუ ვინმეს მიაჩნია, რომ არბიტრი ცოტა ნირვანაში მყოფი პოლიტიკური ფიგურა უნდა იყოს, რომელმაც არ უნდა იცოდეს, წარმოდგენა არ უნდა ჰქონდეს, რა ხდება თურმე პოლიტიკურ რეალობაში, კომენტარს არ უნდა აკეთებდეს, უნდა ამბობდეს, რომ ეს მე არ მეხება, პოლიტიკა მე არ მეხება, ცოტა ბუდისტურ-ნირვანისტური პრეზიდენტი თუ ჰგონიათ არბიტრი, მაშინ ეს არის არასწორი. ასეთი მძიმე გამოცდილება ყველა პრეზიდენტს უდგება, როდესაც ამა თუ იმ მხარეს მხარი უნდა დაუჭიროს“, - განაცხადა გიორგი მარგველაშვილმა.

ავტორი: ,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა