2017-10-21 22:21:07, 2039 ნახვა
პოლიტიკა
ეგზიტპოლის საბოლოო მონაცემებით, „ქართულმა ოცნებამ“ ხმათა 58% მოაგროვა, „ნაციონალურმა მოძრაობამ“ - 17%
„რუსთავი 2“-ის დაკვეთით ჩატარებული ეგზიტპოლის მიხედვით, ბოლო მონაცემებით, ადგილობრივი თვითმმართველობის არჩევნებში „ქართულმა ოცნებამ“ ამომრჩეველთა ხმების 58% მიიღო.
მეორე ადგილზე 17%-ით „ნაციონალური მოძრაობა“ გავიდა, მესამე ადგილზე - „ევროპული საქართველო“ 9%-ით; მეოთხე ადგილზე კი, „პატრიოტთა ალიანსი“ 5%-ით.
რაც შეეხება სხვა პარტიებს, "დემოკრატიულმა მოძრაობამ" ხმათა 3% მოაგროვა, "ლეიბორისტულმა პარტიამ" ასევე 3%, "ახალმა საქართველომ" 3%, "რესპუბლიკურმა პარტიამ" კი, 2% მიიღო.
„რუსთავი 2“-ის დაკვეთით ეგზიტპოლი ამერიკულმა კომპანიამ „ედისონ რისერჩმა“ ჩაატარა.
ეგზიტპოლის მონაცემებით, თბილისში არჩევნების მეორე ტურის ჩატარება საჭირო არ გახდება.
![]()
ავტორი: ,
epn.ge (@expressnews.ge)
