საქართველოს იაპონიის საგარეო საქმეთა სამინისტროს დელეგაცია ეწვია, საგარეო საქმეთა საპარლამენტო ვიცე-მინისტრის, კენტარო სონოურას ხელმძღვანელობით.

უწყების ინფორმაციით, ვიზიტის ფარგლებში, გაიმართა დელეგაციის შეხვედრა საქართველოს საგარეო საქმეთა მინისტრის მოადგილესთან,  დავით ჯალაღანიასთან, რომლის დროსაც მხარეებმა განიხილეს ორ ქვეყანას შორის არსებული ორმხრივი თანამშრომლობის აქტუალური საკითხები, მათ შორის თანამშრომლობა ვაჭრობისა და ინვესტიციების კუთხით და თანამშრომლობა საერთაშორისო ორგანიზაციების ფარგლებში. მხარეებმა აღნიშნეს ორი ქვეყნის საკანონმდებლო ორგანოებს შორის ურთიერთობების გააქტიურების აუცილებლობის შესახებ და განიხილეს ამ მიმართულებით  კონკრეტული წინადადებები.

 დავით ჯალაღანიამ ხაზი გაუსვა იაპონიასა და საქართველოს შორის არსებულ მჭიდრო მეგობრულ და პარტნიორულ ურთიერთობებს; ასევე მადლობა გადაუხადა სტუმარს, იაპონიის მხრიდან საქართველოს სუვერენიტეტისა და ტერიტორიული მთლიანობის მიმართ ურყევი მხარდაჭერისათვის და წლების მანძილზე საქართველოსათვის გაწეული ტექნიკური და ფინანსური დახმარებისათვის.

 შეხვედრის დროს, კენტარო სონოურას გადაეცა ქართული მხარის სამადლობელო წერილები იაპონიის პარლამენტის ქვედა პალატის მიერ მიღებულ გადაწყვეტილებასთან დაკავშირებით, რომელიც ეხება იაპონურ ენაში საქართველოს სახელწოდების „გრუზია"-დან „ჯორჯია"-ზე შეცვლას.

ვიზიტის ფარგლებში, საქართველოს საგარეო საქმეთა სამინისტროში მხარეებს შორის გაიმართა ნოტების გაცვლის ცერემონია, რომლის საფუძველზე მ.წ. 1 ივნისიდან დიპლომატიური პასპორტების მქონე საქართველოს მოქალაქეებს ეძლევათ 90 დღის განმავლობაში იაპონიაში უვიზოდ ყოფნის შესაძლებლობა. აღნიშნული შეთანხმება ქმნის საფუძველს რათა მომავალში გაგრძელდეს მუშაობა საქართველოს მოქალაქეებისათვის იაპონიაში გამარტივებული მიმოსვლის რეჟიმის  შექმნისკენ.

მხარეები შეთანხმდნენ, რომ მომავალშიც ხელს შეუწყობენ ორ ქვეყანას შორის ნაყოფიერი და მჭიდრო თანამშრომლობის განვითარების პროცესს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა