თბილისის საკრებულოს რესპუბლიკური პარტიის წევრის ხათუნა სამნიძის ინფორმაციით, სახელმწიფო უსაფრთხოების სამსახურის თანამშრომლები საკრებულოს შენობაში იმყოფებიან და ფარულ ვიდეო გადაღებას ახორციელებენ.

კერძოდ, სამნიძე ჟურნალისტებთან პირად საუბარში ამბობს, რომ დაინახა, სავარაუდოდ,  სუს-ის თანამშრომელი, რომელიც შენობის ფანჯრიდან გარეთ მყოფ აქციის მონაწილეებს ვიდეოს უღებდა.

ცნობისთვის, დღეს საკრებულოს სხდომაზე ყოფილ პრემიერ ბიძინა ივანიშვილთან დაკავშირებული კომპანიებისთვის თბილისში ორ ტერიტორიაზე არსებული  მიწის  ნაკვეთების პირდაპირი წესით გადაცემის საკითხი უნდა განიხილონ.

საკრებულოში წარდგენილი დოკუმენტების თანახმად, ოქროყანას დასახლებაში მდებარე 4433 კვ.მ მიწის ნაკვეთი შპს „თაბორი  რიზორთს“, პირდაპირი განკარგვის ფორმით 102,000 ლარად  უნდა გადაეცეს  საკუთრებაში,  ხოლო თბილისში, პუშკინის ქუჩაზე ცეკავშირის მიმდებარე ტერიტორიაზე მშენებარე სასტუმროსთან  არსებული 1900 კვ.მ მიწის ნაკვეთის  შპს „თბილისი სითისათვის“ საკუთრებაში გადაცემა, სიმბოლურ ფასად -1 ლარად მოხდება. დაგეგმილი პროექტები თანაინვესტირების ფონდის მხარდაჭერით ხორციელდება, რომლის დაფუძნება ყოფილი პრემირ-მინისტრის ბიძინა ივანიშვილის სახელს უკავშირდება.

ავტორი: ,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს