"ქართული ოცნება-დემოკრატიული საქართველოს" დედაქალაქის საკრებულოს მაჟორიტარი დეპუტატობის კანდიდატი ისნის მე-10 საარჩევნო ოლქიდან, ლევან დავითაშვილი ვაზისუბანში მცხოვრებ დევნილებს შეხვდა.

ლევან დავითაშვილმა შეხვედრისას ქალაქის განვითარების გეგმის შესახებ ისაუბრა და დევნილი მოსახლეობის საჭიროებების შესახებ ინფორმაცია მოისმინა. 

როგორც ლევან დავითაშვილმა აღნიშნა,  დევნილების პრობლემა „ქართული ოცნება-დემოკრატიული საქართველოსთვის“ პრიორიტეტულია.

„მოგეხსენებათ, ჩვენი პროგრამა მოიცავს ყველა იმ პრიორიტეტულ მიმართულებებს, რომელიც დღეს დედაქალაქის მოსახლეობის წინაშე დგას.

გარდა ამისა, დევნილი მოსახლეობის პრობლემები პრიორიტეტულია მთლიანად ცენტრალური ხელისუფლებისთვის. მოგეხსენებათ, უკვე ათასობით დევნილ ოჯახს კომფორტული საცხოვრებელი ფართები საკუთრებაში გადაეცა და ეს პროგრამა კვლავ გრძელდება.

აქედან გამომდინარე, პრობლემები, რომლის შესახებაც ჩვენ დღეს მოვისმინეთ, აუცილებლად მოგვარდება და დევნილთა საცხოვრებელი პირობები კიდევ უფრო გაუმჯობესდება. ამისთვის კი საჭიროა, რომ 21 ოქტომბერს მოსახლეობამ სწორი არჩევანი გააკეთოს“,-განაცხადა ლევან დავითაშვილმა.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს