საქართველოს ყოფილი პრეზიდენტის, ოდესის ოლქის ყოფილი გუბერნატორის მიხეილ სააკაშვილის ძმა, დავით სააკაშვილი უკრაინაში დააკავეს, - ამის შესახებ ყოფილი პრეზიდენტი Facebook-ის საკუთარ გვერდზე წერს.

როგორც სააკაშვილმა აღნიშნა, მის ძმას უკრაინაში ბინადრობის  უფლება ჰქონდა.

მისივე თქმით, ის დღეს დილით, სახლიდან გამოსვლის დროს დააკავეს.

"დღეს გამთენიისას, კიევში ავაკოვის შინაგან საქმეთა სამინისტრომ ჩემი ძმა დავით სააკაშვილი მაშინ დააკავა, როდესაც ის სახლიდან გამოდიოდა და გაურკვეველი მიმართულებით წაიყვანა. ის იურისტია და მას ჰქონდა უკრაინაში ბინადრობის უფლება. ალბათ ასეთი ქმედებებით უნდათ, რომ ჩემზე გავლენა იქონიონ, იმისათვის, რომ არ დავბრუნდე. თქვენ ძალიან ცუდად მიცნობთ. ამგვარი ქმედება კიდევ უფრო აძლიერებს ჩემს რწმენას და გამბედაობას უკრაინისთვის ბრძოლაში, იმისთვის, რომ დავიცვა ეს ქვეყანა, დავიცვა უკრაინელები "ბარიგებისგან" და უკანონობისგან.

ამავდროულად, გუშინ ქვეყნის დასავლეთ ნაწილში მდებარე სასაზღვრო პუნქტებთან მობილური ჯგუფები გამოგზავნეს. ეს იმიტომ გააკეთეს, რომ ადგილობრივ მებაჟეებს არ ენდობიან. ამ მობილური ჯგუფების მიზანია, არ მომცენ საშუალება საზღვარზე გავიარო და პასპორტი წამართვან. რას ვიზამთ, შევხდებით საზღვარზე", - წერს სააკაშვილი.

ამასთან, ყოფილმა პრეზიდენტმა იმ ავტომობილის ფოტოც გამოაქვეყნდა, რომლითაც მისი ძმა გადაიყვანეს.

ავტორი: ,

სოციალური ქსელები

პავლოგრადზე რუსული თავდასხმის შედეგად 8 წლის გოგონა დაიღუპა

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.