საქართველო-რუსეთის სახელმწიფო საზღვარზე, ლარსის სასაზღვრო გამტარი პუნქტი ამ დროისთვის და ზოგადად, შეუფერხებლად მუშაობს, - ამის შესახებ შინაგან საქმეთა სამინისტროს საზოგადოებასთან ურთიერთობის სამსახურის უფროსი თეა პერტაია Facebook-ის საკუთარ გვერდზე წერს.

მისი თქმით, რუსეთის მხარეს გადასვლის მსურველ მოქალაქეთა რიგი არ შეინიშნება.

"მრავალსაათიანი ცოცხალი რიგები რუსეთის ფედერაციის მხრიდან, საქართველოს სახელმწიფო საზღვრის გადაკვეთამდეა. საქართველოს კონტროლირებად ტერიტორიაზე - სასაზღვრო ზოლში რაიმე შეფერხებას ადგილი არ აქვს, უსაფრთხოების ზომები მაქსიმალურად არის დაცული. როგორც საპატრულო პოლიციის თანამშრომლები, ასევე, სასწრაფო-სამედიცინო დახმარების ჯგუფები მობილიზებული არიან, რათა საჭიროების შემთხვევაში, მოქალაქეებს საქართველოს სახელმწიფო საზღვრის გადმოკვეთისას, ადგილზე, დროულად აღმოუჩინონ შესაბამისი დახმარება", - წერს უწყების თეა პერტაია.

ცნობისთვის, რუსეთ-საქართველოს საზღვარზე მრავალკილომეტრიანი საცობი შეიქმნა. "ზედა ლარსის" საბაჟო გამშვებ პუნქტთან 500-ზე მეტი ავტომობილია გაჩერებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა