მთაწმინდაზე  გაჩენილი ხანძარი ლიკვიდირებულია. როგორც „ექსპრესნიუსს“ შსს-ს საგანგებო სიტუაციების მართვის სააგენტოში განუცხადეს,  გუშინ მთელი ღამის განმავლობაში ადგილზე დარჩა  5 ერთეული  ტექნიკა და 30 მეხანძრე-მაშველი, რომლებიც  პრევენციულ ღონისძიებებს აწარმოებდნენ.

„ანუ,  გადაისინჯა ეს ტერიტორია, სადაც შეიძლებოდა თუნდაც პატარა ნაპერწკალი ყოფილიყო, ესეც ფაქტობრივად ლიკვიდირებულია. დარწმუნებულები ვართ იმაში, რომ ხანძრის ხელახალი გაჩენის საფრთხე ამ ტერიტორიაზე არ არსებობს“,-აცხადებენ საგანგებო სიტუაციების მართვის სამსახურში.

მთაწმინდაზე ხანძარი 2 ჰექტარ ფართობზე იყო გავრცელებული, დაიწვა ძირითადად  ბალახები და ბუჩქები.  საგანგებო სიტუაციების მართვის სამსახურის ინფორმაციით, ხანძრის გაჩენიდან 35 წუთში, მეხანძრე- მაშველების ეფექტური მუშაობით,  ცეცხლის დასახლებულ პუნქტებზე გავრცელების საშიშროება მოიხსნა. ხანძრის შედეგად არავინ დაშავებულა:

ცეცხლის ჩაქრობის პროცესში 100-ზე მეტი სახანძრო-სამაშველო ტექნიკა, ცისტერნები იყო ჩართული. ადგილზე მუშაობდა  70 მეხანძრე-მაშველი:

„მუშაობის  დაწყებიდან 35 წუთში მოხერხდა ხანძრის ლოკალიზება. მისი გავრცელების საფრთხე აღარ არსებობდა. შემდეგ დაიწყო სალიკვიდაციო სამუშაოები და ხანძრის სრული ქრობის პროცესი. 35 წუთში ჩვენი მაშველების პროფესიონალიზმის წყალობით, მოვხსენით ის საფრთხე, რომ ხანძარი უკონტროლო მასშტაბს მისცემოდა და დასახლებულ პუნქტში, ან რომელიმე სხვა ობიექტზე გადასულიყო“,-განუცხადეს „ექსპრესნიუსს“ საგანგებო სიტუაციების მართვის სამსახურში.

მთაწმინდის ფერდობზე გაჩენილ ხანძართან დაკავშირებით, შინაგან საქმეთა სამინისტრომ  გამოძიება  სსკ-ის 188-ე მუხლის მეორე ნაწილით დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი