პრემიერ-მინისტრ გიორგი  კვირიკაშვილის განცხადებით, ამერიკის შეერთებული შტატების მხარდაჭერა უმნიშვნელოვანესია საქართველო-რუსეთის კონფლიქტის მშვიდობიანი დარეგულირების პროცესში.

როგორც პრემიერ-მინისტრმა აშშ-ის ვიცე-პრეზიდენტთან ერთობლივ პრესკონფერენციაზე მთავრობის ადმინისტრაციაში განაცხადა, საქართველო ამერიკისთვის მნიშვნელოვან პარტნიორს წარმოადგენს,  იმის გამოც, რომ ორ ქვეყანას საერთო ღირებულებები აერთიანებს.

„საქართველო ამერიკისთვის რეგიონში მნიშვნელოვან  პარტნიორს წარმოადგენს, ასევე იმის გამოც რომ ჩვენ გვაერთიანებს საერთო ღირებულებები, ისეთი როგორც არის დემოკრატია და ადამიანის უფლებები.

ამერიკის შეერთებულმა შტატებმა  დიდი როლი ითამაშა ჩვენი დემოკრატიული ინტიტუტების მშენებლობაში, ჩვენი დემოკრატიული  განვითარება კი წინაპირობა გახლავთ იმისა, რომ ჩვენ  შევძლებთ მდგრადი და სტაბილური სახელმწიფოს  განვითარებას, რომელიც უზრუნველყოფს თითოეული მოქალაქის უფლებების დაცვას  და კულტურული თვითმყოფადობის  შენარჩუნებას. აშშ-ის მხარდაჭერა უმნიშვნელოვანესია საქართველო-რუსეთის  კონფლიქტის მშვიდობიანი დარეგულირების პროცესში. ჩვენ ძალიან ვაფასებთ აშშ-ის მტკიცე და ურყევ პოზიციას საქართველოს ტერიტორიული მთლიანობისადმი“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება