უკრაინის დედაქალაქ კიევში მიხეილ სააკაშვილის მომხრეებსა და პოლიციას შორის დაპირისპირება მოხდა.  ვითარება მას შემდეგ დაიძაბა, რაც მომიტინგეებს პოლიციამ პრეზიდენტის ადმინისტრაციასთან მისასვლელი გზა გადაუკეტა.

ვითარება მალევე განიმუხტა. პოლიციას არც ერთი პირი არ დაუკავებია.

შეგახსენებთ, კიევში აქციის მონაწილეებმა მიხეილ სააკაშვილისთვის უკრაინის მოქალაქეობის ჩამორთმევა გააპროტესტეს.

უკრაინის პრეზიდენტის ადმინისტრაციამ, საქართველოს ექს პრეზიდენტის, ოდესის ოლქის ყოფილი გუბერნატორის მიხეილ სააკაშვილისთვის მოქალაქეობის ჩამორთმევასთან დაკავშირებით განმარტება დღეს გააკეთა.

უკრაინის  პრეზიდენტის საზოგადოებასთან ურთიერთობის სამსახურმა „ინტერფაქსს“ დაუდასტურა, რომ  პოროშენკომ რეკომენდაციის საფუძველზე, სააკაშვილისთვის მოქალაქეობის ჩამორთმევის განკარგულებას ხელი მოაწერა.

პრეზიდენტის მიერ ხელმოწერილი დოკუმენტი საიტზე არ გამოქვეყნდება, გამომდინარე იქიდან, რომ  ინფორმაცია კონფიდენციალურია.

პოროშენკოს ადმინისტრაციაში განმარტავენ, რომ საიმიგრაციო სამსახურმა წარადგინა სარწმუნო ფაქტები მოქალაქეობის განაცხადის გაფორმებისას, არასაიმედო ინფორმაციის მოწოდების შესახებ, რის შემდეგაც მოქალაქეობის საკითხებში პრეზიდენტთან არსებულმა კომისიამ მხარი დაუჭირა შუამდგომლობას, მიხეილ სააკაშვილისთვის უკრაინის მოქალაქეობის შეწყვეტის შესახებ და პრეზიდენტს შესაბამისი გადაწყვეტილების მიღება ურჩია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა