„ეს უკანასკნელი შემთხვევა იყო, როდესაც ჩვენ ვინმეს რაიმე დავუჯერეთ“,-ამის შესახებ „ქართველთა მარშის“  ორგანიზატორმა, მოძრაობა „ეროვნულების“ თავმჯდომარემ სანდრო ბრეგაძემ განაცხადა.

როგორც მან აღნიშნა,  დადასტურდა, რომ „“ქართულმა ოცნებამ“ გიგა ბოკერია გარკვეული ფულის ფასად იყიდა“.

„ნათლად გამოჩნდა და დადასტურდა ჭორი იმის შესახებ, რომ „ქართულმა ოცნებამ“ გარკვეული ფულის სანაცვლოდ იყიდა გიგა ბოკერია.   „ქართული ოცნება“ და გიგა ბოკერია ხელიხელჩაკიდებულები იყვნენ და მშვიდობიან მანიფესტანტებს არ აძლევდნენ გადაადგილების საშუალებას. პატრიარქის მოწოდების შემდეგომ დაახლოებით 10 ათასი ადამიანი სახლში დარჩა, რადგან პატრიარქის სიტყვა მათთვის ძალიან მნიშვნელოვანია.

მაგრამ ის ადამიანები, რომლებიც აქ იმყოფებოდნენ, იყვნენ ისინი ვინც გიგა ბოკერიამ ციხის ბუნტის დროს აწამა, ის ადამიანები, რომლებიც გიგა ბოკერიას ბრძანებით იყვნენ ჩახოცილები, ის ადამიანები, რომლებიც არიან რეპრესირებულები. ამიტომ მე ვთვლი, რომ  ეს   იყო  უკანასკნელი შემთხვევა, როდესაც ჩვენ ვინმეს რაიმე დავუჯერეთ. რადგანაც კოჰაბიტირებულები და დაქორწინებულები არიან „ქართული ოცნება“  და გიგა ბოკერია.

აქედან გამომდინარე, ჩვენ  ბრძოლას გამოვუცხადებთ მათ ერთობლივად  და ვნახავთ მომავალში ვინ როგორ ჩაივლის  და ვინ როგორ გამართავს ჯალათების მარშს. ეს იყო ჯალათების მარში, სისხლში ამოგანგლული გივი თარგამაძის და გიგა ბოკერიას მარში, რომელსაც ხელს უწყობდა საქართველოს ხელისუფლება, რაც არის ხელისუფლების უდიდესი სირცხვილი. მათ 2012 წლის არჩევნებში გამარჯვებას ხაზი გადაუსვეს“,-განაცხადა სანდრო ბრეგაძემ.

ცნობისთვის, გუშინ აღმაშენებლის გამზირზე „ქართველთა მარშის“ მხარდამჭერებმა და ორგანიზატორებმა  პარტია „ევროპული საქართველოს“  წინააღმდეგ კონტრაქცია გამართეს.  სიტუაცია რამდენჯერმე დაიძაბა. „ქართველთა მარშის“ წევრებმა პოლიციის  ცოცხალი კორიდორის გარღვევაც სცადეს, თუმცა მათ ამის საშუალება სამართალდამცავებმა არ მისცეს. ამასთან, მათ ბოთლები და კვერცხები დაუშინეს „ევროპული საქართველოს“ ლიდერებს და  მათ მხარდამჭერებს.  გარდა ამისა,  აქციის მსვლელობისას ერთი ქალბატონი დაზარალდა.  მას სავარაუდოდ თავში  ბლაგვი საგანი მოხვდა. როგორც მან „ექსპრესნიუსს“ განუცხადა, ის  საქართველოს ოკუპირებული ტერიტორიებიდან იყო დევნილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბელარუსის ოპოზიციამ უკრაინას მინსკის მიერ ომისთვის შესაძლო მზადების ნიშნების შესახებ ანგარიში გადასცა

ირანი და ომანი ჰორმუზის სრუტეში გადასასვლელად გადასახადს არ დააწესებენ

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა