„მე პირადად  მიმაჩნია, რომ მამაჩემის გარდაცვალების დაკვეთა  ეკა ნონიკაშვილმა,   მისმა მეორე მეუღლემ შეუკვეთა“,-ამის შესახებ მოკლული ბიზნესმენის ბესიკ ხარძიანის შვილმა პირველი ქორწინებიდან მიხეილ ხარძიანმა საგანგებო პრესკონფერენციაზე განაცხადა. 

მისივე თქმით, მას ეჭვი აქვს, რომ ბესიკ ხარძიანის 2012  წლის  დაკავება მის მეორე მეუღლეს ეკა ნონიკაშვილს უკავშირდება ქონების მითვისების გამო. 

„შევდივართ ბებიაჩემთან, სადაც კამათობდნენ მამიდაჩემი  მაია ხარძიანი  და ბებიაჩემი.  შევდივართ და გვეუბნებიან  გაჩუმდით ხმა არა მოიღიოთ  ქონებაზეო.  თქვენზე ორივეზე, სუყველაზე ტყვიებია მოშვერილი, ყველას დაგხოცავენ  და ოღონდ  დაიწყებენ შენით,მე  მეუბნება ბებია. მერე ჩემს დას და მერე  დანარჩენს და  დარჩება მთლიანი ქონება ეკა ნონიკაშვილს, მამაჩემის მეორე მეუღლეს.   ამ დროს გამოეპასუხა მაია ხარძიანი, დედა დაწყნარდი, დავკრძალოთ ბესო  და თუ არ იტყვის  ეკა ნონიკაშვილი  სიმართლეს  ორ, სამ დღეში  მე გამოვალ და მე ვიტყვი იმ სიმართლეს.  მაინტერესებს რა სიმართლე  იცის მაია ხარძიანმა ეკა ნონიკაშვილზე?  გამოვიდეს და დაიწყოს საჯაროდ.  პირადად მე მიმაჩნია, რომ მამაჩემი  დააჭერინა ეკა ნონიკაშვილმა  ქონების მითვისების გამო. მე პირადად მიმაჩნია, რომ  მამაჩემის გარდაცვალება დაუკვეთა ეკა ნონიკაშვილმა“,-განაცხადა მიხეილ ხარძიანმა.

ამასთან, როგორც მიხეილ ხარძიანმა აღნიშნა, მას აინტერესებს რატომ დადის გია უდესიანის ნაჩუქარი  პორშეს ახალი ჯიპით მოკლულილი ბიზნესმენის ბესიკ ხარძიანის მეორე მეუღლე ეკა ნონიკაშვილი.

„გიორგი უდესიანის ნაჩუქარ და აშენებულ  წავკისის სახლი რატომ აქვს?  გიორგი უდესიანის ნაჩუქარი  ფულით რომ დადის,  პორშეს ახალი  ჯიპით  რატომ  დადის ეკა ნონიკაშვილი?  მაინტერესებს ეს ადამიანი  მტრად რატომ შერაცხეს.  ყველა ვიდეო კადრი მაქვს ნანახი  და კიდევ მოგიწოდებთ  გამოდით და ბოდიში მოიხადეთ გიორგი უდესიანის  ოჯახის წინაშე, საზოგადოების  წინაშე და პატრიარქის წინაშე. ხარძიანთა გვარს ეს არ გვეკადრება.  გამოდით და თქვით სიმართლე, გამოძიება ნუ შეგყავთ ჩიხში“,-განაცხადა მიხეილ ხარძიანმა. 

ამასთან, მოკლული ბიზნესმენის  შვილი მიხეილ ხარძიანი მუქარაზე საუბრობს,  პრემიერ-მინისტრს, მთავრ პროკურორს მიმართვს და ითხოვს,  რომ მისთვის დაცვის გამოყოფა მოხდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება