საქართველოს ვიცე-პრემიერმა, საქართველოს საგარეო საქმეთა მინისტრმა მიხეილ ჯანელიძემ ამბასადორიალის გახსნის მისასალმებელ სიტყვაში საანგარიშო პერიოდში საგარეო პოლიტიკის მიმართულებით საქართველოს მნიშვნელოვანი შედეგები შეაფასა.

მისი განცხადებით გასული წელი საერთაშორისო არენაზე დატვირთული იყო საქართველოსთვის მნიშვნელოვანი მოვლენებით. მან მადლობა გადაუხადა დიპლომატიურ კორპუსს გაწეული საქმიანობისთვის, რამაც განაპირობა საქართველოს საგარეო პოლიტიკისთვის ხელშესახები შედეგების მიღწევა.

ვიცე-პრემიერმა განსაკუთრებით გამოყო ევროინტეგრაციის გზაზე მიღწეული მნიშვნელოვანი პროგრესი, რაც ევროკავშირთან უვიზო რეჟიმის ამოქმედებით გამოიხატა.

„საქართველოს მთავრობისა და ქართველი ხალხის ეს დიდი მიღწევა ხელს უწყობს იმ უმნიშვნელოვანესი პროცესის წარმატებით განხორციელებას, რომელიც საბოლოოდ გულისხმობს საქართველოს ევროპული ოჯახის სრულფასოვან წევრობას", - აღნიშნა ჯანელიძემ და დასძინა, რომ  ამ მიზნის მისაღწევად მთავრობას ამბიციური დღის წესრიგი აქვს.

მიხეილ ჯანელიძემ ყურადღება გაამახვილა ნატო-საქართველოს ურთიერთობების ინტენსიურ დინამიკაზე და აღნიშნა, რომ საქართველოს ალიანსის მხრიდან აქვს ძლიერი პოლიტიკური და პრაქტიკული მხარდაჭერა.

„საერთაშორისო საზოგადოების მხრიდან საქართველოს არასდროს ჰქონია ასეთი ნდობა და მხარდაჭერა და ეს გამოხატულია იმ მაღალი დონის შეხვედრებში, ვიზიტებში, რომლებიც ხორციელდება და დაგეგმილია. ჩვენ ძალიან დიდი შრომა გავწიეთ იმისთვის, რომ საქართველო იყოს აღქმული მსოფლიოში, როგორც დემოკრატიული და სტაბილური ქვეყანა, რომლის მიზანია კანონის უზენაესობის უზრუნველყოფა, ადამიანის უფლებების დაცვა, რუსეთის აგრესიისადმი გამკლავება, ოკუპაციის დასრულება და მშვიდობიანი და სამართლებრივი გზით ოკუპაციის ხაზით გაყოფილი საზოგადოებების გაერთიანება", - აღნიშნა მიხეილ ჯანელიძემ.

მისი თმით ქართული დიპლომატიის აქტიური ძალისხმევით, რუსეთის ფედერაცია საქართველოს ოკუპირებულ რეგიონებში განხორციელებული უკანონო ქმედებების გამო საერთაშორისო წნეხის ქვეშ იმყოფება.

„რუსეთის მიერ გადადგმულ აგრესიულ ნაბიჯებს მკაცრი შეფასება ეძლევა გაერო-ს, ეუთო-ს, ევროპის საბჭოს ფარგლებში, ასევე ჩვენი პარტნიორების მხრიდან. თუმცა რა თქმა უნდა ეს საკმარისი არ არის. ჩვენ ყველაფერს გავაკეთებთ, რათა მშვიდობიანი და დიპლომატიური ნაბიჯებით მოვახერხოთ ჩვენი ქვეყნის გამთლიანება", - აღნიშნა მიხეილ ჯანელიძემ.

საქართველოს ვიცე-პრემიერმა, საგარეო საქმეთა მინისტრმა „ამბასადორიალი 2017 - შედეგებზე ორიენტირებული დიპლომატია ტურბულენტურ გარემოში" ოფიციალურად გახსნა, რომელიც 21 ივლისს დასრულება.  ​

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს