ამერიკის შეერთებული შტატების პრეზიდენტი დონალს ტრამპი 6 ივლისს ვარშავაში დაგეგმილ სამი ზღვის სამიტზე აპირებს, რომ იმ ქვეყნებს, რომლებიც რუსულ გაზზე არიან დამოკიდებულები, ამერიკული ბუნებრივი აირი შესთავაზოს, - ამის შესახებ სააგენტო Reuters იუწყება. 

მედია საშუალების ინფორმაციით, ტრამპი ამერიკის თხევადი ბუნებრივი აირის სწრაფად მზარდი მარაგის გამოყენებას აპირებს.

ნატო-ს ყოფილი მაღალჩინოსნის ჯეიმს ჯონსის განცხადებით, ამერიკული ბუნებრივი აირის გაზრდა აღმოსავლეთ ევროპის ქვეყნებში, ამ რეგიონში რუსეთის გავლენას შეამცირებს. ტრამპის აღნიშნულ ინიციატივას რესპუბლიკური პარტია ერთსულოვნად მხარს უჭერს. განსაკთრებული მხარდაჭერა იმ დეპუტატებისგან აქვს, რომლებიც ამერიკის პრეზიდენტისგან რუსეთთან მიმართებაში უფრო მკაცრი პოზიციის დაფიქსირებას ითხოვენ. 

ამასთან, პოლონელი ექსპერტის მიხაილ ბორონოვსკის შეფასებით, ამერიკული თხევადი ბუნებრივი აირის ევროპაში ექსპორტი რუსეთისთვის ყველაზე დიდ საფრთხეს წარმოადგენს. 

რესპუბლიკელი სენატორის ცორი გარდნერის თქმით, პრეზიდენტის ინიციატივა ვლადიმერ პუტინის სტრატეგიას შეასუსტებს.  

ცნობისთვის, სამიტში პოლონეთის, ავსტრიის, უნგრეთის, ლატვიისა და ესტონეთის სახელმწიფოს მეთაურები მონაწილეობენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა