ე.წ. ციანიდის საქმეში ბრალდებული მამა გიორგი მამალაძის ყოფილი ადვოკატი რევაზ ფუთკარაძე, რომელიც დეკანოზის ბარგის ამოღებას ესწრებოდა, აცხადებს, რომ ჩხრეკა კანონის დარღვევით წარიმართა.

როგორც ფუთკარაძემ "ექსპრესნიუსს" განუცხადა, კონკრეტულ დარღვევებზე დაცვის მხარე სასამართლო პროცესებზე ისაუბრეს.

ამასთან, ადვოკატის თქმით, სასამართლომ არ შეიძლება უკანონოდ მოპოვებული მტკიცებულება გაიზიაროს.

"ჩხრეკის პროცესს ვესწრებოდი. ის წარიმართა კანონის დარღვევით, კონკრეტულად რომელი მოთხოვნები იქნა დარღვეული ამას დაცვის მხარე სასამართლო განხილვის დროს დაამტკიცებს. 6 საათიდან 8 საათამდე შუალედში არ ვიცით ბარგი სად იმყოფებოდა. დღეს 21-ე საუკუნეში ძალიან ადვილია გახსნა ნებისმიერი ნივთი და სხვა ნივთი მის შიგნით ჩადო. ამიტომ უნდა ვაცადოთ სასამართლოს, განიხილება ეს საქმე. დაცვას შემუშავებული გვაქვს სპეციალური ტაქტიკა და დადგინდება რომ მამაო მართალია. უკანონოდ მოპოვებული მტკიცებულება არ შეიძლება გაიზიაროს სასამართლომ. ძალიან ბევრი კითხვა გვაქვს", - აღნიშნა ფუთკარაძემ.

ცნობისთვის, დღევანდელ სასამართლო პროცესზე საქმის პროკურორმა ჯარჯი წიკლაურმა განაცხადა, რომ „თავად გიორგი მამალაძემ ამოიღო ბარგიდან ე.წ. დეზადორი, რომლის თავსახურშიც საწამლავი ჰქონდა დამალული“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება