პროკურორ ჯარჯი წიკლაურის განცხადებით, პროკურატურაში, დალუქული ბარგის გახსნისას, თავად ბრალდებულმა მამა გიორგი მამალაძემ ამოიღო ე.წ.  დეზადორი, რომლის თავსახურში მას დამალული ჰქონდა საწამლავი, რათა აეროპორტის კონტროლის გვერდის ავლით "გაერა ამ ნივთიერებას".

თუმცა ეს ნივთიერება, პროკურორისვე მტკიცებით, დეზადორის თავსახურიდან გადმოვარდა. ჯარჯი წიკლაური ირწმუნება რომ, აღნიშნული ფაქტი მოხდა პროკურატურაში ბრალდებულის ადვოკატისა და აეროპორტის თანამშრომლის თანდასწრებით.

"უსაფრთხოების 2 წარმომადგენელი დაიკითხა, რომელთა უშუალო კონტროლის ქვეშ არის საბარგო განყოფილება. სწორედ ამ საბარგო განყოფილებიდან, მას შემდეგ რაც გიორგი მამალაძემ გაიარა რეგისტრაცია და ჩააბარა მისი ბარგი, სწორედ ამ ჩაბარებიდან უმოკლეს პერიოდში, ამ თანამშრომლების  თვალწინ ამოღებული იქნა ბარგი. დეტალურად შემოწმდა, ბარგზე არავითარი დაზიანება არ ყოფილა, ეს დადასტურდა. მათ თვალწინ დაილუქა ბარგი, გაკეთდა ხელმოწერები და ამ თანამშრომლებისვე თანდასწრებით გაიხსნა შემდეგ პროკურატურაში. არავითარი მანიპულაცია ბარგზე არ მომხდარა", - აღნიშნა ჯარჯი წიკლაურმა და დასძინა, რომ სწორედ ეს დაადასტურა დღევანდელი ჩვენებით მოწმემ.

"დაადასტურა მოწმემ, რომ ბარგში შემდეგ აღმოჩნდა მომწამვლელი ნივთიერება ციანიდი. თავად ბრალდებულმა ამოიღო ის დეზადორი, რომლის თავსახურში ფარულად, მას დამალული ჰქონდა ეს საწამლავი. რამეთუ აეროპორტის კონტროლის გვერდის ავლით გაეარა ამ ნივთიერებას. თუმცა საბედნიეროდ ეს ნივთიერება გადმოვარდა თავსახურიდან და ამოღებული იქნა შემდეგ გამომძიებლის მიერ. ეს მოხდა ბრალდებულის ადვოკატის და აეროპორტის თანამშრომლის თანდასწრებით. ბარგის დალუქვა მოხდა აეროპორტში და მხოლოდ მას შემდეგ რაც შემოწმდა, რომ ლუქის მთლიანობა არ იყო დარღვეული, იმავე აეროპორტის თანამშრომლის თანდასწრებით, ვის თვალწინაც დაილუქა, გაიხსნა", - განაცხადა პროკურორმა.

მისივე თქმით, აღნიშნული პროცესი თავიდან ბოლომდე დასურათებულია. ჯარჯი წიკლაური არ გამორიცხავს, რომ ფოტოები გასაჯაროვდეს.

"დალუქული ბარგის შემოწმების და გახსნის პროცესი თავიდან ბოლომდე იყო დასურათებული, რა საჭირო იყო ვიდეო მასალა. ვერავითარი ეჭვი ამ პროცესში ვერ შეიტანება", - განაცხადა ჯარჯი წიკლაურმა.

ცნობისთვის, სასამართლოში უკვე დაიკითხა აეროპორტის დაცვის 2 თანამშრომელი, რომლებსაც როგორც პროკურორი ამბობს, უშუალო შემხებლობა აქვთ ბრალდებულის ბარგის დალუქვის პროცესთან. საერთო ჯამში პროკურატურამ საქმეზე 120-მდე მოწმის დაკითხვას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს