პროკურატურაში ირაკლის მამალაძის განცხადების საფუძველზე, მოწმეზე ზემოქმედების ფაქტზე გამოძიება დაიწყო.

ამის შესახებ ჟურნალისტებს თბილისის საქალაქო სასამართლოში ე.წ. ციანიდის საქმის  პროკურორმა  ჯარჯი წიკლაურმა განუცხადა.

„როგორც ჩანს დაინტერესებულ პირთა მხრიდან ხდებოდა მოწმეთა დისკრედიტაცია რის მაგალითიც იყო გავრცელებული ინფორმაციები, თუმცა რომელი მოწმეც არ უნდა წარმოაჩენენ აგენტად და პროვოკატორად, სრულიად უსაფუძვლოდ, ვერავინ უარყოფს ფაქტს, რომ ბრალდებული გეგმავდა ადამიანის მკვლელობას. ეს დაადასტურა ირაკლი მამალაძემ და როგორც აღმოჩნდა ამის გამო გახდა იგი ცილის წამების მსხვერპლი.  ვაგრძელებთ მოწმეთა დაკითხვას და მსგავსი უსაფუძვლო ინფორმაციების გაგრძელება მხოლოდ შეიძლება  ემსახურებოდეს იმას, რომ სასამართლოს შეუშალონ ხელი ნორმალურ ფუნქციონირებაში“,-აღნიშნა წიკლაურმა.

ცნობისთვის, ე.წ. ციანიდის საქმის მოწმემ, ჟურნალისტმა ირაკლი მამალაძემ პოლიციის ყოფილი მაღალჩინოსნის, ირაკლი ფირცხალავას, ასევე, ტელეკომპანია „რუსთავი 2”-ის ჟურნალისტ თამარ ბაღაშვილისა და ტელეკომპანიის საინფორმაციო სამსახურის უფროსის, ნოდარ მელაძის წინააღმდეგ პროკურატურას მიმართა.

შეგახსენებთ, "რუსთავი 2"-მა გადაცემაში "არჩევანი" გავრცეკდა ინფორმაცია, რომ დეკანოზი გიორგი მამალაძე ჟურნალისტმა ირაკლი მამალაძემ ჩაწერა. ტელეკომპანიის ცნობით, სწორედ ეს ფარული ჩანაწერია დეკანოზის წინააღმდეგ ერთ-ერთი მთავარი მტკიცებულება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება