ისინი დაბრუნდებიან მალე, თუ არ დაბრუნდებიან, პარლამენტში ოპოზიციის ადგილებს სხვა პოლიტიკური პარტიები დაიკავებენ, მაშინ, როცა შემდეგი არჩევნები ჩატარდება, - ამის შესახებ საპარლამენტო უმრავლესობის ლიდერმა, არჩილ თალაკვაძემ ჟურნალისტებს განუცხადა.

თალაკვაძეს შეფასებით, ოპოზიციას დაავიწყდა, რომ საკონსტიტუციო ცვლილებების საჯარო განხილვების დროს, მოსახლეობის საკმაოდ დიდი ნაწილი მაჟორიტარული სისტემის დატოვებას მხარს უჭერდა და მიწის საკითხების დარეგულირებას ითხოვდა.

„მათ ასევე არ სურთ, გაითავისონ, რომ მოსახლეობის დიდი ნაწილი იმ ცვლილებებს მხარს უჭერს, რომელიც ახალი კონსტიტუციის სახით შევთავაზეთ და ეს პირველ რიგში გარანტიებია, რომელიც ახალ კონსტიტუციაშია ჩადებული და რომელიც ადამიანის უფლებებს, ინფორმაციაზე ხელმისაწვდომობას და ფიზიკური ხელშეუხებლობის გაძლიერებას ეხება. ჩვენთვის კონსენსუსი იმას არ ნიშნავს, რომ ისეთი რამ გავითვალისწინოთ, რაც ხალხისთვის მიუღებელია, რომელსაც შევხვდით და ეწინააღმდეგება იმას, რისთვისაც ამ ცვლილებებს ვახორციელებთ“, - განაცხადა თალაკვაძემ.

საპარლამენტო ოპოზიციამ საკონსტიტუციო ცვლილებების განხილვას ბოიკოტი გამოუცხადა. მათ შორის არიან უმცირესობა, „პატრიოტთა ალიანსი“ და „ნაციონალური მოძრაობა“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე