კონსტიტუციონალისტი, „შენების მოძრაობის“ წევრი,  ვახტანგ ხმალაძე საქართველოში კონსტიტუციური მონარქიის შემოღების მომხრე არაა.

როგორც მან „ექსპრესნიუსს“ განუცხადა, მმართველობის ეს ფორმა საქართველოსთვის ძალიან პრობლემურია.

ხმალაძის განმარტებით, იშვიათია შემთხვევა, სადაც მმართველობის სხვა ფორმა იყო და შემდგომ დაუბრუნდნენ კვლავ მონარქიას, მაგრამ ასეთ შემთხვევებში წყვეტა იყო  ხანმოკლე, საქართველოში კი წყვეტის  ხანგრძლივობა 2 საუკუნეზე მეტია.

„არის სახელმწიფოები, რომლებმაც აირჩიეს კონსტიტუციური მონარქიის ფორმა, თუმცა აქ ერთი რამეა ძალიან მნიშვნელოვანი, რომ მათ კონსტიტუციური მონარქიის ფორმა აირჩიეს მაშინ, როდესაც იმ სახელმწიფოებში არსებობდა მოქმედი მონარქი. არაკონსტიტუციური, მაგრამ მოქმედი მონარქი, მეფე, ან დედოფალი. შემდეგ ასე გადავიდნენ კონსტიტუციური მონარქიის ფორმაზე. იშვიათია შემთხვევა, სადაც იყო წყვეტა, ანუ მონარქია აღარ იყო, იყო მმართველობის სხვა ფორმა და შემდგომ დაუბრუნდნენ კვლავ მონარქიას, მაგრამ ასეთ შემთხვევებში წყვეტა იყო ხოლმე ხანმოკლე, იმდენად  ხანმოკლე, რომ როგორც წესი, იმ დროს ცოცხალი იყო, ან ყოფილი მონარქი, ან იმ ყოფილი მონარქის პირდაპირი მემკვიდრე. ასე არის ისტორიულად. ჩვენთან ეს  მე ძალიან პრობლემურად მიმაჩნია, რადგან ჩვენთან წყვეტის  ხანგრძლივობა 2 საუკუნეზე უფრო მეტია. მოგეხსენებათ, რომ 1801 წელს რუსეთის იმპერატორმა გააუქმა საქართველოში მონარქია და მას შემდეგ საქართველოს მეფე არ ჰყოლია. მონარქიის საკითხის დასმისას, ეს კიდევ სხვა პრობლემებს იწვევს და ძალიან სერიოზულ პრობლემებს.  მათ შორის იმას, თუ ვინ შეიძლება გამოცხადდეს  საქართველოს მეფედ. ეს ერთი, მეორე-მონარქიულ ოჯახებში მომავალი მონარქის აღზრდა, მისთვის განათლების მიცემა, მისი ჩამოყალიბება, როგორც სახელმწიფოს ხელძღვანელად, ხდებოდა  ბავშვობიდან და ეს ადამიანი, როცა მას უკვე უწევდა მონარქის თანამდებობის დაკავება, იყო მზად ამისათვის და ეს მზაობა ხშირად ათეული წლობით  ყალიბდებოდა ხოლმე. ეს არის ჩემი აზრით სერიოზული პრობლემა და ამიტომ, პირადად მე არ ვარ მომხრე, კონსტიტუციური  მონარქიის დადგენისა, მმართველობის ამ ფორმის შემოღებისა საქართველოსთვის“,-განაცხადა ვახტანგ ხმალაძემ.

შეგახსენებთ, გუშინ სრულიად საქართველოს კათოლიკოს-პატრიარქმა ილია მეორემ ბრძანა, რომ კონსტიტუციურ მონარქიას ქვეყანაში სიმშვიდე შემოაქვს. დღეს კი პარლამენტის თავმჯდომარემ განაცხადა, რომ ამ საკითხზე პატრიარქთან შეხვედრა აუცილებლად გაიმართება.  მისივე თქმით, კონსტიტუციურ მონარქიას  პოლიტიკურ და სახელმწიფოებრივ ცხოვრებაში  ნამდვილად  სიმშვიდე შემოაქვს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს