2017-06-14 22:24:17, 2435 ნახვა
სამართალი
კომპანია „სვეტის“ დირექტორის გატაცებაში ბრალდებულებს პატიმრობა შეეფარდათ
სამშენებლო კომპანია „სვეტის“ დირექტორის გატაცებაში ბრალდებულებს პატიმრობა შეეფარდათ.
მოსამართლემ დაკავებულებისთვის აღკვეთის ღონისძიების სახით პატიმრობის შეფარდებასთან დაკავშირებით ბრალდების მხარის შუამდგომლობა დააკმაყოფილა.
დაცვის მხარე დაკავებულებისთვის გირაოს შეფარდებას ითხოვდა. როგორც ადვოკატებმა აღნიშნეს, სასამართლოს გადაწყვეტილებას გაასაჩივრებენ.
ამასთან, საქმის პროკურორის თქმით, არსებობს საფუძველი, რომ ბრალდებულები მიიმალონ ან სხვადასხვა გზით გამოძიებას ხელი შეუშალონ.
საქმეზე წინასასამართლო სხდომა 31 ივლისს, 11:00 საათზეა ჩანიშნული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
