აღსრულების ეროვნული ბიუროს 15-მა თანამშრომელმა რამდენიმე თვიანი სასწავლო კურსის შედეგად აღმასრულებელთა საერთაშორისო ასოციაციის ტრენერთა სერტიფიკატი მიიღო. ტრენერთა ტრენინგი სააღსრულებო პროცედურების განმახორციელებელი თანამშრომლებისთვის გერმანიის საერთაშორისო თანამშრომლობის ორგანიზაციასთან პარტნიორობის ფარგლებში განხორციელდა. ტრენინგს უძღვებოდნენ აღსრულების საკითხებში ევროკავშირის აღიარებული ექსპერტები ნიდერლანდებიდან და ბულგარეთიდან.

ტრენინგი 3 ეტაპიანი იყო და თითოეული სასწავლო ფაზა მოიცავდა როგორც აქტიურ სალექციო პერიოდებს, ასევე დამოუკიდებლად შესასრულებელი სამუშაოს კომპონენტს და საპილოტე ტრენინგების ჩატარებას.

აქტივობის ფარგლებში პირველ ეტაპზე განხორციელდა სააღსრულებო წარმოების იმ ასპექტების იდენტიფიცირება, სადაც საჭირო იყო სასწავლო მოდულის შემუშავება. მოხდა ბიუროს თანამშრომლების ინფორმირება იმ უნარების შესახებ, რომელიც აუცილებელია ხარისხიანი სასწავლო კურსების შესადგენად.

აქტივობის მიზანი იყო სააღსრულებო წარმოების ფარგლებში სასწავლო მოდულების განვითარება და ტრენერების გუნდის ჩამოყალიბება, რომელიც მაღალხარისხიანი სააღსრულებო წარმოების უზრუნველყოფის მიზნით მოახდენს ახლადმოსული თანამშრომლების განათლებას სააღსრულებო წარმოების საკითხებზე და ასევე, საკანონმდებლო სიახლეების შემთხვევაში, სასწავლო მასალების რედაქტირებასა და ბიუროს მოქმედი თანამშრომლების გადამზადებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება