ბაჰრეინის სამეფოს ცნობილი ჟურნალი საქართველოს ტურისტულ პოტენციალს სტატიას უძღვნის

2017-05-30 17:49:01, 2472 ნახვა

საზოგადოება მსოფლიო

ბაჰრეინის სამეფოს ერთ-ერთმა პოპულარულმა ჟურნალმა „Power Up", ახალ ნომერში საქართველოს შესახებ საინფორმაციო-ტურისტული სტატია დაბეჭდა, სახელწოდებით - სად წავიდეთ შემდგომ? დანიშნულების პუნქტი თბილისი (Where To Go Next? Destination Tbilisi).

სტატიაში აღნიშნულია, რომ საქართველოს დედაქალაქი თბილისი მდიდარია ისტორიით და ამავდროულად თავის სტუმრებს უზრუნველყოფს მათთვის სასურველი თანამედროვე კომფორტით.

ავტორი სტატიაში საუბრობს ქართული ენის უნიკალურობაზე, საქართველოს ბუნების მრავალფეროვნებაზე, ადგილობრივ სამზარეულოზე და სტუმართმოყვარეობაზე.

ის განსაკუთრებულ ყურადღებას თბილისის პეიზაჟებსა დს არქიტექტურაზე ამახვილებს, დაწვრილებით აღწერს საქართველოს დედაქალაქს და მის ღირსშესანიშნაობებს.

ჟურნალ „Power Up"-ში საქართველოს შესახებ სტატია ბაჰრეინის სამეფოში საქართველოს საელჩოს ხელშეწყობით დაიბეჭდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან