„მონტენეგროს  ნატო-ში გაწევრიანება მნიშნელოვანი იქნება საქართველოსთვის და სხვა ასპირანტი ქვეყნებისთვის“,-ამის შესახებ ნატო-ს საპარლამენტო ასამბლეის თავმჯდომარემ პაოლო ალიმ ასამბლეის საგაზაფხულო სესიაზე სიტყვით გამოსვლისას განაცხადა.

ასამბლეის თავმჯდომარემ აღნიშნა, რომ მომავალ თვეს დასრულდება მულტინაციონალური ბატალიონების განთავსება, რომლებიც წარმოადგენს ნატოს გაძლიერებულ წარმომადგენლობას პოლონეთსა და ბალტიის ქვეყნებში.

„რამდენიმე დღის შემდეგ, მონტენეგრო ნატო-ს 29-ე წევრი გახდება. ეს მონტენეგროსთვის ძალიან მნიშვნელოვანი მიღწევაა. რა თქმა უნდა, ეს ნატო-სთვის მნიშვნელოვანი ნაბიჯია, რომელიც მუდმივად, განუხრელად, ცდილობს, რომ მხარი დაუჭიროს დასავლეთ ბალკანეთის ქვეყნებს და მიიღოს საერთო სფეროში, რომელიც ქადაგებს მშვიდობას, სტაბილურობას და კეთილდღეობას. მონტენეგროს გაწევრიანება მნიშვნელოვანი იქნება საქართველოსთვისაც და სხვა ქვეყნებისთვის, რომლებიც ასპირანტი ქვეყნები არიან და ცდილობენ, რომ ნატოს შეუერთდნენ.  ეს არის  აშკარა სიგნალია იმისა, რომ ნატოს კარები ღიაა და ამ ქვეყნებს ვერანაირი ზეწოლა და გარემო ხელს ვერ შეუშლით, რომ გაწევრიანდნენ და თავიანთ მიზნებს მიაღწიონ. მომავალ თვეს, მულტინაციონალური ბატალიონების განთავსებას დავასრულებთ, რომლებიც წარმოადგენს ნატოს გაძლიერებულ წარმომადგენლობას პოლონეთსა და ბალტიის ქვეყნებში. ამავე დროს, ნატო ზრდის თავის წარმომადგენლობას შავი ზღვის რეგიონში. ეს დამცავი ზომები წარმოადგენს ძლიერ დემონსტრირებას ჩვენი სოლიდარობისა რუსეთის მუქარის საწინააღმდეგოდ. ნატო ასევე თანამშრომლობს თავის პარტნიორებთან ორივე რეგიონში, რომლებიც დაკავშირებულია და რომელსაც რუსეთის აგრესია ეხება. ეს არის ფინეთი შვედეთი საქართველო და უკრაინა“, - აღნიშნა პაულო ალიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია