საქართველოში ევროკავშირის ელჩის იანოშ ჰერმანის განცხადებით, ევროკავშირი ოკუპირებულ ცხინვალში ჩატარებულ ე.წ. არჩევნებს და მის შედეგს არ აღიარებს. 

როგორც ჰერმანმა დღეს საგარეო საქმეტა სამინისტროში, მინისტრის მოადგილესთან შეხვედრის დასრულების შემდეგ აღნიშნა, ევროკავშირის მკაფიო პოზიციაა, რომ საქართველოს ტერიტორიულ მთლიანობასა და სუვერენიტეტს მხარს უჭერს. 

იანოშ ჰერმანი დარწმუნებულია, რომ ამავე პოზიციას ჰერბერტ ზალბერიც იზიარებს, როგორც ევროკავშირის სპეციალური წარმომადგენელი.

თუმცა ჰერმანის თქმით, მას ზალბერის ნაცვლად საუბარი უჭირს. მანვე აღნიშნა, რომ ჟენევის დისკუსიების თანათავმჯდომარე თავად გააკეთებს განმარტებას. 

შეგახსენებთ, რომ ევროკავშირის სპეციალური წარმომადგენელი სამხრეთ კავკასიასა და საქართველოს კრიზისების საკითხებში ჰერბერტ ზალბერი ე.წ. სამხრეთ ოსეთის დე-ფაქტო პრეზიდენტ ანატოლი ბიბილოვს შეხვდა.

ცნობისთვის, მომხდარი ფაქტის გამო, საგარეო უწყებამ საქართველოში ევროკავშირის ელჩი იანოშ ჰერმანი დაიბარა. შეხვედრა საგარეო საქმეთა სამინისტროში რამდენიმე წუთის წინ დასრულდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია