ყოფილი მთავარი პროკურორის ოთარ ფარცხალაძის ადვოკატების განცხადებით, მათი დაცვის ქვეშ მყოფს სახელმწიფო აუდიტის სამსახურის უფროსისთვის, ლაშა თორდიასთვის ფიზიკური შეურაცხყოფა არ მიუყენებია და დაპირისპირებას ადგილი არ ჰქონია.

ადვოკატების ინფორმაციით, შექმნილი ვითარება ოთარ ფარცხალაძის პირადმა დაცვამ გაანეიტრალა.

"ე.წ. ინციდენტი რამდენიმე წამი გრძელდებოდა. თორდიას არ მოეწონა ოთარ ფარცხალაძის მხრიდან, მისალმების ფორმა და დაიძაბა ვითარება მისი მხრიდან. ეს არ ყოფილა ინციდენტი და ფიზიკური დაპირისპირება. ვითარება ოთარ ფარცხალაძის პირადმა დაცვამ გაანეიტრალა", - განაცხადა გაგი მოსიაშვილმა. 

მოსიაშვილის განმარტებით, აღნიშნულ ინფორმაციას ადასტურებენ ის პირებიც, რომლებიც დაცვის მხარემ გამოკითხა.

"ეს პირები არიან ნეიტრალური პირები, რომლებიც ადასტურებენ, რომ ინციდენტს და თავდასხმას ადგილი არ ჰქონია", - განაცხადა მოსიაშვილმა. 

ამასთან, როგორც ადვოკატები აღნიშნავენ, ინციდენტის შემდეგ ლაშა თორდია ურთიერთგამომრიცხავ განცხადებებს ავრცელებს. 

ჩვენს მიერ გამოკითხულ იქნა არაერთი თვითმხილველი პირი, მათ მიერ მოწოდებული ინფორმაცია კი აბსოლუტურად განსხვავდება თორდიას მიერ გაკეთებული განცხადებებისაგან. კერძოდ, გამოკითხული პირები განმარტავენ, რომ ე.წ. ინციდენტის დაწყებისათანავე ფარცხალაძისადმი აგრესიულად განწყობილი თორდია განეიტრალდა პირადი დაცვის ადექვატური და პროპორციული ძალის გამოყენების საფუძველზე. აღსანიშნავია ის გარემოება, რომ ლაშა თორდია სხვადასხვა დროს ურთიერთგამომრციხავ განცხადებებს ავრცელებდა. პირველ განცხადებაში, მისი თქმით, ექვსი პირი მონაწილეობდა, თუმცა ჩვენს მიერ გამოკითხული კაფე-ბარის თანამშრომლები, მათ შორის დაცვის წევრები, ვინც იმ საღამოს იმყოფებოდნენ და ასრულებდნენ თავიანთ სამსახურებრივ მოვალეობას, განმარტავენ, რომ თორდიას მიერ დრამატიზირებულ შემთხვევას, მასზე მასშტაბურ თავდასხმას, ადგილი არ ჰქონია", - განაცხადა ადვოკატმა მერაბ ჩიქოვანმა. 

შეგახსენებთ, რომ სახელმწიფო აუდიტის სამსახურის ხელმძღვანელს ლაშა თორდიას 12 მაისს თავს დაესხნენ. ლაშა თორდიას განცხადებით მას თავს ყოფილი მთავარი პროკურორი ოთარ ფარცხალაძე და მასთან ერთად მყოფი რამდენიმე პირი დაესხა. მისივე თქმით, თავდასხმა პირადი ანგარიშსწორების მიზნით განხორციელდა და მის სამსახურებრივ საქმიანობას უკავშირდება. ლაშა თორდიას საქმეზე შსს-მ გამოძიება ძალადობის მუხლით დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე