მმართველი გუნდი ამბობს, რომ საარჩევნო ბლოკების შექმნა ნეგატიური მოვლენაა, თუმცა ხელისუფლებაში „ქართული ოცნებაც“ ბლოკური სისტემით მოვიდა, - ამის შესახებ „პატრიოტთა ალიანსის" ლიდერმა ირმა ინაშვილმა ზუგდიდში, კონსტიტუციური ცვლილებების საყოველთაო-სახალხო განხილვაზე განაცხადა.

როგორც მან აღნიშნა, ხელისუფლებასა და ოპოზიციას შორის ნაკლები უნდა იყოს რადიკალიზმი და მეტი - კონსტრუქციული დამოკიდებულება.

„ვენეციის კომისიას კი არ უნდა დაველოდოთ, როგორც პოლიტბიუროს გადაწყვეტილებას, არამედ ამ საკითხებს ჩვენ თვითონ, ქვეყნის შიგნით და პოლიტიკურ სპექტრში უნდა ვწყვეტდეთ. როცა თქვენ გვეუბნებით, რომ ბლოკების შექმნა ნეგატიური მოვლენაა, მგონი, „ქართული ოცნებაც“ ხელისუფლებაში ბლოკური სისტემით მოვიდა. გუშინ, არჩილ თალაკვაძემ პარტიები გაიხსენა, რომლებიც კოლოსალურ დაფინანსებას იღებდნენ. თქვენ არ იყავით, რომელმაც ნულ პროცენტიანი თუ მინუს ერთპროცენტიანი „რესპუბლიკური პარტია“ ხელისუფლებაშიც მოიყვანეთ და თავზეც დაგვასვით? ეს სათქვენო მაგალითი იყო და ამ პრაქტიკაზე უარს ამბობთ. ეს ერთპროცენტიანი პარტია დაფინანსებითაც უზრუნველვყავით და პრობლემაც არ შეუქმენით, რომ ხელისუფლებაში მოსულიყო. ჩვენ „რესპუბლიკური პარტიისგან“ განსხვავებით, სახელისუფლო პარტია არ გვაქვს, რომელსაც ის ჩაება. არც მინდა, რომ მყავდეს, რადგან ქართველ ხალხთან ერთად გავიმარჯვებთ“,  - მიმართა მმართველი გუნდის წევრებს ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია