შინაგან საქმეთა სამინისტროს სხვადასხვა დეპარტამენტის და შსს-ს სიპების საზოგადოებასთან ურთიერთობის სამსახურების წარმომადგენლებმა, შსს-ს აკადემიაში საზოგადოებასთან ურთიერთობის და სოციალური მედიის თემაზე ოთხდღიანი ტრენინგი გაიარეს.

უწყების ინფორმაციით, ტრენინგი საქართველოში ამერიკის შეერთებული შტატების საელჩოს ანტინარკოტიკული და სამართალდამცავ უწყებებთან თანამშრომლობის საერთშორისო ბიუროს (INL) ორგანიზებით ჩატარდა. სწავლებას ჯორჯიის შტატის ქალაქ დანვუდის პოლიციის დეპარტამენტის უფროსი ბილ გროგანი და მედიასთან ურთიერთობის სპეციალისტი თიმ ბაროუზი უძღვებოდნენ.

სწავლების მიზანი იყო საზოგადოებასთან ურთიერთობის და სოციალური მედიის კუთხით ამერიკის შეერთებულ შტატებში დამკვიდრებული კომუნიკაციის წესებისა და სტანდარტების შესახებ ინფორმაციის მიღება.

ტრენინგზე განიხილეს: საზოგადოებისთვის შესაბამისი გზავნილების მიწოდების მიზნით სოციალური მედიის ეფექტურად გამოყენების საკითხები; უპირატესობები, რომლებიც სოციალური მედიის გამოყენებას გააჩნია და შედეგები, რომლებიც მედიასთან ურთიერთთანამშრომლობას მოაქვს. ტრენინგზე ისაუბრეს მედიასთან ურთიერთობაში აშშ-ს პოლიციის სხვადასხვა დეპარტამენტის გამოცდილების, ასევე საქართველოს შინაგან საქმეთა სამინისტროს შესაბამისი სამსახურის მიერ ამ სფეროში განხორციელებული სამუშაოს შესახებ. სწავლების ფარგლებში მიმდინარეობდა მსოფლიოში მომხდარი გახმაურებული ფაქტების ირგვლივ მსჯელობა და სხვადასხვა სცენარის მიხედვით პრაქტიკული სავარჯიშოების შესრულება.

აღსანიშნავია, რომ შსს-ს წარმომადგენლებმა აშშ-ს პოლიციის წარმომადგენლებს იმ საინფორმაციო-სოციალური კამპანიების შესახებ მიაწოდეს ინფორმაცია, რომლებიც სამინისტრომ ბოლო სამი წლის განმავლობაში წარმატებით განახორციელა.

შსს-ს საზოგადოებასთან ურთიერთობის სამსახურების წარმომადგენლებმა, ამერიკელ ტრენერებთან ერთად, ჟესტების ენით წარმოადგინეს მთავარი გზავნილები, რომლებსაც „112“-ის ყრუ და სმენადაქვეითებული პირებისთვის განკუთვნილი, ახლადდანერგილი, უფასო SMS და ვიდეოზარის სერვისი საქართველოს მოქალაქეებს სთავაზობს.

ტრენინგის დასასრულს, სწავლების ყველა მონაწილეს შესაბამისი სერტიფიკატი გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: ტრამპმა შეწყვიტა რუსეთის ბრძოლის ველზე გამარჯვების რწმენა

ექსპრეს ლომბარდის სტანდარტი: ნივთის შეფასება სერტიფიცირებული ექსპერტების მიერ

FT: ევროკავშირი რუსეთის მიერ იმპორტის აკრძალვის შემდეგ სომხეთისთვის საგანგებო სავაჭრო დახმარების ზომებს ამზადებს

„დიდი შვიდეულის“ კომუნიკე - უნდა უზრუნველვყოთ, რომ ირანმა არასდროს შექმნას ბირთვული იარაღი