“საქართველო კომპანია არ არის“, „თავისუფლების აქცია მონობის აქციაა“, „ყველა მასწავლებელს ღირსეული შრომითი ანაზღაურება“, „ 416 დაღუპული“, „ხალხის წინააღმდეგ სამართლიანი გადასახადები ამცირებს სიღარიბეს“, - ამ ტრანსფარანტებით პროფესიული კავშირების წარმომადგენლები, ვეტერანები, ბანკების დაზარალებულები და აუდიტორია 115-ის წევრები  მშრომელთა საერთაშორისო დღესთან დაკავშირებით, ვარდების მოედნიდან აქცია-მსვლელობით პარლამენტის შენობისკენ მიემართებიან.

„სოლიდარობა მუშებს“ - სკანდირებენ ისინი და მინიმალური ხელფასის შესახებ ახალი კანონის მიღების, საბანკო სექტორის შეზღუდვის, კონსტიტუციაში ეკონომიკური თავისუფლების შესახებ ჩანაწერის გაუქმებისა და ეფექტიანი შრომის ინსპექციის შექმნის მოთხოვნით გამოდიან.

მშრომელთა საერთაშორისო დღე,  ან შრომის დღესასწაული ან მშრომელთა საერთაშორისო სოლიდარობის დღე  აღინიშნება ყოველი წლის 1 მაისს მუშათა საერთაშორისო მოძრაობის სოციალურ-ეკონომიკური მიღწევებისთვის. ეს თარიღი გამოიყენება ერთი შემთხვევის გამო, რამაც დასაბამი მისცა მუშათა ორგანიზებულ წინააღმდეგობას სამუშაო პირობების გაუმჯობესებისთვის. 1884 წელს ორგანიზებულ სავაჭრო და მუშათა პროფკავშირების ფედერაციამ, 1872 წელს კანადის მშრომელთა წარმატებით წაქეზებულმა, მოითხოვა რვა-საათიანი სამუშაო დღე აშშ-ში, რომელიც ძალაში 1886 წლის 1 მაისს უნდა შესულიყო. მას შედეგად საერთო გაფიცვა და ამბოხი მოჰყვა ჩიკაგოში, თუმცა ასევე ოფიციალური სანქციაც რვა-საათიან სამუშაო დღეზე. მაისის დღის ამბოხი მოგვიანებით განმეორდა 1894 და 1919 წლებშიც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”