"ვცვლით არა ერთ სისტემას უკეთესით, არამედ შემოგვაქვს კარგი, ოპტიმალური  სისტემა. როცა საქმე ამას ეხება, კომპრომისზე საუბარი ზედმეტია -  კომპრომისზე ჩვენი  ქვეყნის წინაშე ვერ წავალთ", - ამის შესახებ პარლამენტის თავმჯდომარე ირაკლი კობახიძემ საარჩევნო სისტემასთან დაკავშირებით დაგეგმილ ცვლილებებზე საუბრისას  განაცხადა.

"რაც შეეხება საარჩევნო სისტემას, ჩვენ იმიტომ კი არ შევთავაზეთ ეს სისტემა ქართველ საზოგადოებას,  რომ ჩვენი აზრით ეს სისტემა არის უკეთესი არსებულთან შედარებით, იმიტომ შევთავაზეთ საზოგადოებას,  რომ ეს არის საუკეთესო სისტემა ჩვენი ქვეყნისთვის. თავისი ყველა ელემენტით, თავისი ყველა ბლოკების გაუქმებით",-აღნიშნა კობახიძემ.

მისივე თქმით, არასწორია საუბარი, თითქოს საქართველოში 20 კვალიფიციური პარტია არსებობს.

"ერთხელ და სამუდამოდ უნდა დასრულდეს საქართველოში საუბარი , რომ არსებობს ე.წ. 20 კვალიფიციური პარტია. თუ თქვენ ჩამომითვლით საქართველოში 10 პარტიას,  კვალიფიციურზე აღარ ვსაუბრობ, მაშინ მე ვიქნები პირველი მომხრე ბლოკის ინსტიტუტის დატოვების, მაგრამ ამას ვერ ჩამომითვლით. ესაა სიმახინჯე, რომ საქართველოში არსებობს 20 ე.წ. კვალიფიციური პარტია და ვიდრე ბლოკები იქნება ეს სიმახინჯე დარჩება ჩვენს პოლიტიკურ სისტემაში",-განმარტა ირაკლი კობახიძემ და დასძინა, რომ 5%-იანი ბარიერი არის უპირობოდ მნიშვნელოვანი იმისათვის, რომ საქართველოში  სტაბილური საპარლამენტო სისტემა ჩამოყალიბდეს.

" რაც შეეხება გაუნაწილებელი მანდატების განაწილებას, ამასაც აქვს  გადამწყვეტი მნიშვნელობა იმისათვის, რომ საქართველოში გაგრძელდეს სტაბილური განვითარება დემოკრატიული პროცესების",-განაცხადა პარლამენტის თავმჯდომარემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია