შრომის, ჯანმრთელობისა და სოციალური დაცვის მინისტრი დავით სერგეენკო შეზღუდული შესაძლებლობის მქონე ბავშვების მშობლების აქციას გამოეხმაურა.

აქციის მონაწილეები ამბობენ, რომ სახელმწიფომ მათ შვილებს სხვადასხვა მომსახურების მისაღებად დაფინანსება შეუმცირა.

დავით სერგეენკომ, პირიქით,  შშმ პირების სოციალური პაკეტის მზარდ დინამიკაზე გაამახვილა ყურადღება. მანვე   ყველას მოუწოდა, აღნიშნული თემით სპეკულირებას თავი დაანებონ და ადამიანებს ცრუ მოლოდინები არ გაუჩინონ:

„ყველას მინდა გთხოვოთ, რომ ისეთი ფაქიზი თემები, როგორიცაა შეზღუდული შესაძლებლობების მქონე ბავშვები და ზოგადად, მოქალაქეები არ გასცენ ცრუ დაპირებები, რომლებიც რეალობაში  ვერ შესრულდება და კარგ  კოორდინაციაში იყვნენ ამ პროექტების  განმახორციელებელთან, ანუ ჯანდაცვის სამინისტროსთან. რაც შეეხება ციფრებს და შემცირებას, მე ამის შესახებ ვიცოდი, შშმ პირების სოციალური პაკეტი, პენსიასაც ეძახიან ხოლმე, 2012 წელს იყო  70 ლარი, 2013 წელს გახდა 100 ლარი,  2015 წელს 150 ლარი, 2016 წელს 180 ლარი. გასაგებია, რომ ეს არ არის დიდი თანხა, მაგრამ დინამიკა ნათელია. რაც შეეხება საკუთრივ ამ სახელმწიფო პროგრამას, 2015 წელს თუ იყო 1.65 მეათედი  მილიონი ლარი, 2016- ში გახდა 1.72 მილიონი ლარი, 2017 წელს გახდა 1.94 მილიონი ლარი. ეს ციფრები გვაჩვენებს იმას, რომ არანაირი კლება, პირიქით მატებაა. ცხადია, რომ ეს არ არის საკმარისი, არ არის საბოლოოდ დახურული თემა,  წლის განმავლობაშიც არსებული ფიქსირებული ბიუჯეტის ფარგლებში მიდის მუშაობა იმაზე, რომ უფრო ხარჯეფექტურად გამოვიყენოთ ეს რესურსები. თუმცა, ყველას ვთხოვ და მოვუწოდებ, ამ თემით სპეკულირებას თავი დაანებონ და ვინც არ არის ჩახედული ამ საკითხში, შეიძლება ჩემი გუნდის წევრებიც იყვნენ, ცრუ დაპირებები და მოლოდინები არ გაუჩინონ ამ ადამიანებს“,-განაცხადა დავით სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია