2017-04-12 17:33:47, 2447 ნახვა
მსოფლიო
ერდოღანი გერმანიის მთავრობას: ვინ ხართ ასეთი, თურქეთის პრეზიდენტს რომ ემუქრებით?!
თურქეთის პრეზიდენტის რეჯეპ ტაიპ ერდოღანის განცხადებით, გერმანიის ხელისუფლება ტერორისტებს ხელს უწყობს.
ერდორანმა აღნიშნული ბრალდება იმით ახსნა, რომ ბერლინმა „ქურთისტანის მუშათა პარტიის’’ ტერორისტების ექსტრადირების შესახებ თურქეთის 4 500-მდე მიმართვა უგულებელყო’.
თურქეთის პრეზიდენტის განმარტებით, ნიდერლანდებისა და გერმანიის მთავრობების სკანდალური გადაწყვეტილებები შემთხვევითი არ იყო.
"ნიდერლანდები, ავსტრია, გერმანია, შვეიცარია - ამ ქვეყნებში ტერორისტების მხარდამჭერი აქციები იმართება, რომელთა მონაწილეები თურქეთის პრეზიდენტის სურათით გამოდიან, რომლისკენაც იარაღის ლულაა მიმართული. ვინ ხართ ასეთი, თურქეთის პრეზიდენტს რომ ემუქრებით?’’, - განაცხადა ერდოღანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
