საქართველოს პარლამენტის თავმჯდომარემ ირაკლი კობახიძემ პრეზიდენტის ადმინისტრაციის წარმომადგენლებს კორექტული საუბრისკენ მოუწოდა და აღნიშნა, რომ მათ ხშირად ძალიან ცუდი ფორმით „სიტყვა გაურბით“.

„ხშირად გვესმის არაკორექტული გამონათქვამები, რაც ჩვენთვის მიუღებელია. განსაკუთრებით პრეზიდენტის მხრიდან. ერთხელ, სატელევიზიო ჩართვისას აღნიშნა ბატონმა პრეზიდენტმა, რომ მას არასდროს გაქცევია სიტყვა, თუმცა როდესაც პრეზიდენტის ადმინისტრაციის საჯარო მოხელეებს გაურბით სიტყვა, და ძალიან მძიმე ფორმით გაურბით სიტყვა, ეს იმას  ნიშნავს, რომ პრეზიდენტს გაურბის სიტყვა. ამიტომ, საუბარს იმაზე, რომ ჩვენ არ გაგვირბის სიტყვა, ჯობს, მართლა არ გაგვექცეს ასეთი სიტყვები და ვიყოთ კორექტულები როგორც ჩვენი კოლეგების მიმართ, ასევე სხვა კონსტიტუციური ორგანოების მიმართ. ასეთ პირობებში პრეზიდენტს შეუძლია, ხელი შეუწყოს პოლიტიკური სისტემის კონსოლიდაციას. ვიტოვებ იმედს, შეიცვლება პრეზიდენტისა და ადმინისტრაციის მიდგომა კონსტიტუციური ინსტიტუტების მიმართ, პოლიტიკური პროცესების მიმართ. მიდგომის ასეთი ცვლილება  პრეზიდენტს მისცემდა საშუალებას, თავისი დადებითი წვლილი შეიტანოს ჩვენი ქვეყნის განვითარების საქმეში, რაც ყველა ჩვენგანის საერთო საქმეა“, - განაცხადა ირაკლი კობახიძემ პარლამენტის პლენარულ სხდომაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა