კონსტიტუციონალისტ ვახუშტი მენაბდის განცხადებით, არსებობს  კონსესუსი იმის თაობაზე, რომ  პრეზიდენტის ზოგიერთი უფლებამოსილება შესაკვეცია.

მაგალითად, მენაბდის აზრით,  პრეზიდენტს არ უნდა ჰქონდეს   უფლებამოსილება,  ვეტო დაადოს პრემიერის კანდიდატურას. ასევე, პრეზიდენტს აქვს უფლებამოსილება მთავრობის სხდომაში მიიღოს მონაწილეობა, რაც მენაბდის თქმით,  შესაძლებელია, შეიკვეცოს.

„პრეზიდენტის უფლებამოსილებების რამდენიმე ბლოკი არსებობს დღეს ჩვენი კონსტიტუციის მიხედვით. მათგან ჩემთვის ყველაზე მნიშვნელოვანი არის კომპლექტაციის უფლებამოსილებები, ანუ ის კომპეტენციები, რომლითაც პრეზიდენტი ნიშნავს კონკრეტული თანამდებობის პირებს, ან მონაწილეობს ამ თანამდებობის პირების გამწესებაში. ვფიქრობ, ეს მიმართულება უნდა გაძლიერდეს, და შევინარჩუნოთ.  რაც შეეხება დანარჩენ კომპეტენციებს, დღესაც არის კონსესუსი, რომ პრეზიდენტის ზოგიერთი უფლებამოსილება შესაკვეცია, მაგალითად, მას აქვს უფლებამოსილება ვეტო დაადოს პრემიერის კანდიდატურას, ჩემი აზრით მას ეს უფლებამოსილება არ უნდა ჰქონდეს. ასევე, პრეზიდენტს აქვს უფლებამოსილება მთავრობის სხდომაში მიიღოს მონაწილეობა, შესაძლებელია, ეს უფლებამოსილებაც შეიკვეცოს",-აღნიშნა მენაბდემ.

 თუმცა, მენაბდის განცხადებით,  საერთო ჯამში, პრეზიდენტის არჩევის წესმა არ უნდა მოახდინოს გავლენა მის ისეთ კომპეტენციებზე, რომელიც უზრუნველყოფს  დამოუკიდებელი და მისი გავლენისგან თავისუფალი ინსტიტუტების შექმნას. მენაბდეს მიაჩნია, რომ პრეზიდენტის პირდაპირი არჩევის წესი უმჯობესია:

" ჩემი პოზიცია ცნობილია, მე მიმაჩნია ჩვენს კონტექსტში პრეზიდენტის პირდაპირი არჩევის წესი იქნებოდა უმჯობესი, ვინაიდან მართალია არ არსებობს პრეზიდენტის არჩვის ერთიანი წესი, მაგრამ იმ გამოწვევებით და იმ გამოცდილებით სადაც ჩვენ ვართ, ეს იქნებოდა ალბათ ყველაზე გონივრული გამოსავალი",-აღნიშნა ვახუშტი მენაბდემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა