პრეზიდენტის მრჩეველის პოლიტიკურ საკითხებში ფიქრია ჩიხრაძის განცხადებით, სამწუხაროა, რომ მმართველი გუნდი გიორგი მარგველაშვილის დღევანდელ პრეზენტაციას არ დაესწრო.

როგორც ჩიხრაძემ აღნიშნა, პრეზიდენტის ინიციატივა ძალიან მნიშვნელოვანი და უპრეცენდენტოა ქვეყნის ისტორიაში.

მისივე შეფასებით, პოლიტიკოსებმა პირველ რიგში საზოგადოების აზრი უნდა გამოითხოვონ და კონსტიტუციაში ასახონ.

"ძალიან სამწუხაროა, რომ არ მონაწილეობდნენ მმართველი გუნდის წევრები. ნახეთ, რამდენად მნიშვნელოვანი იყო, რომ აქ შეკრებილი საზოგადოება ერთსულოვანია, სწორედ იმის განცდაში და აღქმაში, რომ კონსტიტუცია არის ყველასი, რომ საქართველოს ყველა მოქალაქის ჩართულობის უზრუნველყოფა საკონსტიტუციო პროცესში არის უმნიშვნელოვანესი. ასეთ შემთხვევაში ჩვენ ხალხის სიმრავლის არ უნდა გვეშინოდეს. პირიქით უნდა უზრუნველვყოთ ამისთვის ყველა საჭირო მექანიზმი და დღევანდელი შეთავაზება საქართველოს პრეზიდენტისა სწორედ ამას ემსახურებოდა. ეს ძალიან მნიშვნელოვანი პროცესია, როგორიც არ ყოფილა საქართველოს ისტორიაში. პოლიტიკოსებმა პირველ რიგში უნდა გამოვითხოვოთ საზოგადოების აზრი და ეს კონსტიტუციაში ავსახოთ. შემდგომში შეიძლება ხარვეზების გამოსწორება, რომ ყველამ მივიღოთ მონაწილეობა. ბოიკოტის ფორმა ამ შემთხვევაში, არც მინდა ბოიკოტი დავარქვა, მოდი დავარქვათ, რომ ამას ჰქონდა გარკვეული ობიექტური მიზეზები, იმიტომ რომ ჩვენ რეგიონებში ხშირად მოგვიწევს ერთმანეთთან შეხვედრები, ჯობს, სანამ პროდუქტი ჩამოყალიბდება მანამდე ვიცოდეთ საით მიდის ეს ცვლილებების სულისკვეთება. ამ კონსტიტუციის ქვეშ უნდა შეიქმნას ყველა კანონი და ყველა მოქალაქემ იცხოვროს მშვიდად და თანასწორად", - განაცხადა ფიქრია ჩიხრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა