მთავარი პროკურორის მოადგილის, გიორგი გოგაძის განცხადებით, საპატრიარქოში ჩხრეკა არ ჩატარებულა.

როგორც გოგაძემ აღნიშნა, „ეს არის ერთ-ერთი იმ მრავალი სიცრუეთაგანი, რომელიც ამ დღეების განმავლობაში ვრცელდება“.

ამასთან, მან ე.წ. ციანიდის საქმეზე მთავარი პროკურორის ირაკლი შოთაძის განცხადებაზე დამატებითი კომენტარი გააკეთა.

„გასაგებია, ახლა მე, რასაც ვიტყვი, ალბათ, ამას ეთერში არ გაუშვებთ, მინდა გკითხოთ, თქვენ ხომ უყურეთ, რა განაცხადა ირაკლი შოთაძემ. ამობეჭდილი უნდა წამომეღო, ალბათ და მეჩვენებინა თქვენთვის, რომ მოწმე, რომელმაც მიმართა პროკურატურას, აცხადებდა, რომ იგეგმებოდა მაღალი იერარქიის სასულიერო პირის მკვლელობა. ჩატარდა ოპერატიული საგამოძიებო მოქმედებები და დღევანდელი მტკიცებულებებით, რაც საქმეზე არის შეგროვებული, დგინდება, რომ იგეგმებოდა, ამას უკვე პირველ პირში ლაპარაკობს პროკურორი,  ერთერთი პირის მკვლელობა, შემდეგ იყო დასმული კითხვა, არის აქ საუბარი საქართველოს პატრიარქზე, იყო ასეთი კითხვა დასმული პრესკონფერენციაზე, პასუხი გახსოვთ? არ გახსოვთ? თქვენ თუ გახსოვთ, მაინტერესებს, რომ პატრიარქზე არ საუბრია“, - მიმართა გოგაძემ ჟურნალისტებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია