2017-02-27 13:27:49, 1788 ნახვა
პოლიტიკა
LIBE-ს კომიტეტი: ევროსაბჭო საქართველოს სავიზო რეჟიმისგან ათავისუფლებს - ხელმოწერა 1 მარტს გაიმართება
„ევროსაბჭო იღებს შეჩერების მექანიზმს და საქართველოს სავიზო რეჟიმისგან ათავისუფლებს“, - ევროპარლამენტის სამოქალაქო თავისუფლების, მართლმსაჯულების და საშინაო საკითხების კომიტეტის (LIBE) პრესსამსახურის განცხადებაშია აღნიშნული.
კომიტეტის ინფორმაციით, სავიზო რეჟიმის გაუქმებასთან დაკავშირებით ფორმალური ხელმოწერა 1 მარტს გაიმართება.
შეგახსენებთ, რომ ევროპარლამენტმა საქართველოს ვიზალიბერალიზაციას 2 თებერვალს, პლენარულ სხდომაზე დაუჭირა მხარი. 553 ევროპარლამენტარი უვიზო მიმოსვლის დაწესების მომხრე იყო, ხოლო 66 წინააღმდეგი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
