2017-02-27 13:12:37, 1550 ნახვა
საზოგადოება
დიდუბის რაიონში სკვერების რეაბილიტაცია დაიწყო
დიდუბის რაიონის გამგეობამ დიდუბესა და დიღმის მასივში სკვერების რეაბილიტაცია დაიწყო. ამ ეტაპზე, სამუშაოები 8 მისამართზე მიმდინარეობს.
წყალტუბოს ქუჩის N1,2,3,4-ში, ცაბაძის ქუჩის N1,2-ში, წერეთლის გამზირის N55ა, 61, 71-73 და 132-ში, ასევე, დიღმის მასივის, მე-3 კვარტლის მე-11, მე-12 კორპუსებთან კონტრაქტორი კომპანია დაზიანებული ინვენტარის დემონტაჟს ახორციელებს.
რეაბილიტაციის ფარგლებში, შეიცვლება საფეხმავლო ბილიკები, სანაგვე ურნები, საპარკე სკამები, პატარებისთვის კი სათამაშო ატრაქციონები დამონტაჟდება.
სკვერების რეაბილიტაციის სამუშაოებს ტენდერში გამარჯვებული კომპანია შ.პ.ს „ქაგა“ ახორციელებს.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
