2017-02-16 19:56:43, 1180 ნახვა
საზოგადოება
მედიის პროფესიული კავშირი არასამთავრობოებთან სამუშაო შეხვედრას გამართავს
საქართველოს მედიის პროფესიული კავშირი 17 თებერვალს არასამთავრობოებთან სამუშაო შეხვედრას გამართავს , რომელზეც განხილული იქნება საზოგადოებრივ მაუწყებელში, ბოლო პერიოდში განვითარებული მოვლენები და თავისუფალ პროფკავშირზე ზეწოლის ფაქტები.
მედია პროფკავშირი სამოქალაქო სექტორის წარმომადგენლებს, მაუწყებელში მიმდინარე პროცესების შესახებ დეტალურ ინფორმაციას მიაწვდის. შეხვედრაზე განხილული იქნება თანამშრომლების უფლებრივი მდგომარეობა, მოსალოდნელი საფრთხეები და გამოწვევები.
შეხვედრა გაიმართება საქართველოს პროფკავშირების გაერთიანების საკონფერნეციო დარბაზში.
მისამართი: ვაჟა ფშაველას გამზ. 1/43
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
