საახალწლო ღონისძიებებთან დაკავშირებით გარკვეულ უბნებში საავტომობილო მოძრაობა შეიზღუდება

2016-12-31 16:44:11, 1247 ნახვა

საზოგადოება

საახალწლო ღონისძიებების გამო, დროებით, რუსთაველის გამზირსა და თავისუფლების მოედანზე საავტომობილო მოძრაობა იზღუდება.

როგორც "ექსპრესნიუსს" თბილისის მერიიდან აცნობეს, საავტომობილო მოძრაობის შეზღუდვის გამო, საზოგადოებრივი ტრანსპორტი 31 დეკემბრის 18:00 საათიდან შემდეგი მიმართულებით იმოძრავებს:

"ფილარმონიიდან თავისუფლების მოედნისკენ მიმავალი ტრანსპორტი ჯავახიშვილის ქუჩაზე ჩაუხვევს, სანაპიროს გავლით ბარათაშვილის ქუჩაზე გავა და დადგენილი მარშრუტით განაგრძობს მოძრაობას. უკუმიმართულებითაც ანალოგიურად იმოძრავებს", - ნათქვამია დედაქალაქის მერიის განცხადებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან