კახიშვილი: რაღაც ტიპის ხარჯვაზე უარს ვიტყვით, მაგრამ ეს თანამშრომლების სამსახურიდან გაშვებაზე არ აისახება

2016-12-28 23:33:02, 1295 ნახვა

საზოგადოება

რაღაც ტიპის ხარჯვაზე უარს ვიტყვით, რადგან ბიუჯეტი 14 მილიონით შეგვიმცირდა, მაგრამ ეს თანამშრომლების სამსახურიდან გაშვებაზე არ აისახება, - ამის შესახებ სასჯელაღსრულებისა და პრობაციის მინისტრმა, კახა კახიშვილმა გადაცემა 2030-ში განაცხადა.

მინისტრმა ხაზგასმით აღნიშნა, რომ სასჯელაღსრულების სამინისტროს ბიუჯეტის ოპტიმიზაცია საკადრო პოლიტიკაზე არ აისახება. მისივე თქმით, სამინისტროს თანამშრომლებს არანაირი პრობლემა არ შეექმნებათ. მთავარია, "კეთილსინდისიერად იმუშაონ".

„მინდა, საქართველოს მთავრობას მადლობა გადავუხადო იმის გამო, რომ მართალია, ბიუჯეტი შეგვიმცირდა, მაგრამ ეს მოთხოვნა არ იყო, რომ ბიუჯეტის ოპტიმიზაცია მაინცდამაინც საკადრო რესურსზე გადასულიყო. რა თქმა უნდა, რაღაც ტიპის ხარჯვაზე უარს ვიტყვით, რადგან ბიუჯეტი 14 მილიონით შეგვიმცირდა, მაგრამ ეს თანამშრომლების სამსახურიდან გაშვებაზე არ აისახება. ჩემი თანამშრომლების გასაგონადაც მინდა ვთქვა, რომ მათ არანაირი პრობლემა არ შეექმნებათ. მთავარია, კეთილსინდისიერად იმუშაონ “, - განაცხადა კახა კახიშვილმა.

ამავე თემაზე: კახა კახიშვილი: ვცდილობთ, შევქმნათ სისტემა, რომლის მართვაც ერთი ადამიანის ნებაზე და ხასიათზე დამოკიდებული არ იქნება.