თიბისი ბანკს  ნიდერლანდების განვითარების ფინანსურმა  კომპანიამ 55 მილიონი აშშ დოლარის ოდენობის  ფინანსური რესურსი გამოუყო.

აღნიშნული რესურსი თიბისი ბანკს  საშუალებას მისცემს, აქტიურად  განაგრძოს მიკრო, მცირე და საშუალო  ბიზნესის დაფინანსება საქართველოში.

სასესხო ხელშეკრულების მიხედვით, თიბისი ბანკი მიიღებს  25 მილიონ აშშ დოლარს  7 წლის ვადით, ხოლო თიბისის შვილობილი კომპანია, ბანკი რესპუბლიკა-30 მილიონ აშშ დოლარს, 5 წლის ვადით.

„მოხარული ვარ, რომ ვაგრძელებთ თანამშრომლობას  ნიდერლანდების განვითარების  ფინანსურ კომპანიასთან. ამ რესურსების  საშუალებით თიბისი ბანკი შეძლებს, კიდევ უფრო გაამყაროს პოზიცია მიკრო, მცირე  და საშუალო ბიზნესსეგმენტში  და გაზარდოს ქართული ეკონომიკისთვის  ამ მნისვნელოვანი  სექტორების დაფინანსება,“-განაცხადა თიბისი ბანკის  გენერალურმა  დირექტორმა ვახტანგ ბუცხრიკიძემ.

FMO-ს სამოქალაქო საქმეების მენეჯერის   მათაის ლაბოუნის თქმით, თიბისი ბანკი, თავისი არსებობის  მანძილზე მუდმივად მხარში  უდგას და აფინანსებს  მცირე და საშუალო  ბიზნესსექტორს, რომელიც ქართული ეკონომიკის  ძირითად მამოძრავებელ  ძალას წარმოადგენს.

„ჩვენი კომპანიისთვის განსაკუთრებით საამაყოა, რომ ვაგრძელებთ თიბისი ბანკთან თანამშრომლობას  მიკრო, მცირე და საშუალო  ბიზნესის მხარდასაჭერად. თიბისი ბანკი  ქართული ფინანსური სექტორის   წამყვანი ინსტიტუტია  და მოხარული ვართ,  რომ ჩვენი 10 წლიანი  თანამშრომლობა  მესამე სექტორის  გასაძლიერებლად  წარმატებით გრძელდება“,-განაცხადა  FMO-ს სამოქალაქო საქმეების მენეჯერმა  მათაის ლაბოუნმა.

ნიდერლანდების განვითარების  საფინანსო კომპანია (FMO) ერთ-ერთი ყველაზე დიდი ევროპული ბანკია, რომელიც ხელს უწყობს კერძო სექტორის გაძლიერებას განვითარებადი ეკონომიკის მქონე  ქვეყნებში. კომპანია ძირითად აქცენტს სამ სექტორზე აკეთებს: ფინანსური ინსტიტუტები, ენერგეტიკა და აგრო ბიზნესი, საკვები და წყალი. ბანკის მთლიანი საინვესტიციო პორტფელი შეადგენს 7,6 მილიარდ ევროს.

თიბისი ბანკი უკვე 10 წელზე მეტია, რაც ნიდერლანდების განვითარების კომპანიასთან თანამშრომლობს. ამ პერიოდის განმავლობაში ხელი მოეწერა 10 სასესხო ხელშეკრულებას 150 მილიონი დოლარის ჯამური მოცულობით.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია