შეიძლება დასაწყისში მოგვეჩვენოს, რომ ეს არის უსამართლობა, არასწორად გადანაწილებული თანხები, მაგრამ საბოლოო ჯამში ამ ოჯახების კეთილდღეობა აუცილებლად აისახება ყველაზე და ეკონომიკაზე მთლიანად, - ამის შესახებ საქართველოს ფინანსთა მინისტრმა დიმიტრი ქუმსიშვილმა დოლარში სესხების გალარების მიზნით ბიუჯეტიდან 65 მილიონი ლარის გამოყოფის მიზანშეწონილობაზე საუბრისას ტელეკომპანია "იმედის" პირდაპირ ეთერში განაცხადა.

როგორც ქუმსიშვილი განმარტავს, აბსოლუტურად ლეგიტიმურია ის, რომ მოსახლეობის ის ნაწილი, რომელსაც არ აქვს დოლარში სესხი, შეეხიდოს მათ, ვისაც ასეთი სესხი აქვთ. მისივე განცხადებით, გადაწყვეტილება იყო მიღებული ყველაზე მოწყვლად ჯგუფზე, ვინც ყველაზე მეტად მოექცა დევალვაციის ტალღაში.

„დღეს ჩვენი გადაწყვეტილება და წახალისება თუ დახმარება ამ ადამიანებისადმი, რომ მათ გადაიყვანონ ნებაყოფლობით თავიანთი დოლარის სესხები ლარის სესხებში, გრძელვადიან პერიოდში აბსოლუტურად ყველასთვის, მთელი ჩვენი ქვეყნისთვის და, ზოგადად, ეკონომიკისთვის არის სარგებლიანი და აუცილებლად დაუბრუნდება ქვეყანას“, - განაცხადა ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია