გერმანიის ფედერაციული რესპუბლიკის რაინლანდ-პფალცის ფედერალური მიწის შინაგან საქმეთა სამინისტროს დელეგაციის წევრები, საქართველოს შს სამინისტროში ვიზიტის ფარგლებში, უწყებაში განხორციელებულ პროექტებსა და მიმდინარე რეფორმებს გაეცნენ.

დელეგაციის წევრები - გერმანიის ფედერაციული რესპუბლიკის რაინლანდ-პფალცის ფედერალური მიწის პოლიციის უფროსი იურგენ შმიტი, კრიმინალური პოლიციის სამსახურის პრეზიდენტი იოჰანეს კუნცი, პოლიციის აკადემიის რექტორი ფრიდელ დურბენი და პოლიციის განათლებისა და კვალიფიკაციის ამაღლების, საერთაშორისო ურთიერთობებისა და მონაცემთა დაცვის სამმართველოს CEPOL-თან ეროვნული კოორდინაციის განყოფილების წარმომადგენელი, დოქტორი რიტა ვირერი შსს-ს აკადემიას ეწვივნენ.

გერმანელმა სამართალდამცველებმა შსს-ს აკადემიის ინფრასტრუქტურა, სასწავლო და ფიზიკური მომზადების ოთახები, იმიტირებული სასამართლო დარბაზი და სასაზღვრო-გამშვები პუნქტი, რეალური და ვირტუალური ტირები დაათვალიერეს. აკადემიის ხელმძღვანელებთან შეხვედრაზე, მხარეები ორმხრივი ვიზიტების და სამართალდამცველთა განათლების მიმართულებით ერთობლივი პროექტების განხორციელებაზე შეთანხმდნენ.

გერმანიის დელეგაცია ასევე გადაუდებელი დახმარების ოპერატიული მართვის ცენტრ „112“-ს, საპატრულო პოლიციის დეპარტამენტს და თბილისის პოლიციის დეპარტამენტის ვაკე-საბურთალოს სამმართველოს ეწვია. სტუმრებმა საპატრულო პოლიციის ტექნიკა და აღჭურვილობა დაათვალიერეს, „112”-ის მუშაობის სპეციფიკას და ქართველი სამართალდამცველების ყოველდღიურ საქმიანობას გაეცნენ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა