2016-11-21 12:35:08, 861 ნახვა
საზოგადოება
თინათინ მჟავანაძე მოვალეობას ჯანმრთელობის მდგომარეობის გაუარესების გამო ვერ ასრულებს
პრეზიდენტის ადმინისტრაციაში თინათინ მჟავანაძის მიერ თანამდებობის დატოვებას არ ადასტურებენ.
როგორც „ექსპრესნიუსს“ მისმა მოადგილემ სოფო ჯაჯანაშვილმა განუცხადა, თინათინ მჟავანაძე სამსახურებრივ მოვალეობას ჯანმრთელობის მდგომარეობის გაუარესების გამო ვერ ასრულებს.
„თინათინ მჟავანაძე არ წასულა პრეზიდენტის ადმინისტრაციიდან, მის მოვალეობას ვასრულებ მე, როგორც მისი მოადგილე. ჯანმრთელობის მდგომარეობის გაუარესების გამო ( იკეთებს ოპერაციას), თინათინ მჟავანაძე ვერ ასრულებს მოვალეობას“,-აღნიშნა სოფო ჯაჯანაშვილმა.
თინათინ მჟავანაძე საზოგადოებასთან ურთიერთობის საკითხებში პრეზიდენტის მრჩეველია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
